سلام رديه على قاف محبوك

[خالد العصيمي]

المشاركة الأصلية كتبت بواسطة ابو لمار

اخوي الشقاوي

يشرفني العب معك


استلم لاهنت

الشرف لي وانا خوك
واسف على التاخير تو دخلت

واستلم

دام البقا وانته وش انته وانا خوك = وان كان صرت اقريب ياطيب مجناك
وانته عناوي والرياجيل حدوك = لا تعترض درب الجمل ثم ياطاك

[خالد العصيمي]

تحياتي لكل من نور الصفحه اعلاه


والابداع تواجدكم


تحياتي

[خالد العصيمي]

مرزوق مرورك


اكبر فخر لنا سواء في صفي ولا في الصف الاخر


تحياتي لشخصك الحريم

[ابو لمار]

	انا من الثقفان تاريخهم دوك = ياقاري التاريخ دوب الخبر جاك انته بعير القوم بالحمل شدوك = لايابعير(ن) طاب فالك ومرعاك

[خالد العصيمي]

اسللللللللللم


واستلم

والنعم والله فالمواقف يعدوك = لا جا نهارن فيه شانت حلاياك
وانته كسرك الحمل والناس هدوك = والذيب يقنب فوق راسك ويبراك

[ابو لمار]

اخوي الشقاوي انا آسف على التأخير


انشغلت شوي وتوني داخل


استلم لاهنت

	لكن لاتاطا برجلك على الشوك = ادواك كيه فوق راسك وعلباك في الماقف الغصاب وش لون حطوك = لو صاب هاك الذيب جوع(ن) تعشاك