ابا النشمي وابا مقعد وابا حضرت جناب ذياب

[الطوفان]

مساكم الله بالحير

ابا النشمي وابا مقعد وابا حضرت جناب ذياب= اليا جاء واحد منهم يكفينا عن الثاني
ترى حنا عتيبه كلبونا والله الوهاب=ولا والله سمعنا صقر طار بغير جنحاني

[فهيد مقعد الرويس]

صح السانك

يابوعبد الرحمن

وفي انتظار احد المطلوبين

ليكتمل الابداع

اجزل تحيه

[ذياب]

مساك بالنور يابو عبدالرحمن

هلا يامرحبا ترحيبتن تفتح لها الابواب=أقدمها بنفس(ن) طيبه من قلب وألساني
صدقت ولا كذبت ولا يقال ألمثلكم كذاب=لكن عطني علومك بعد قربعها البريطاني

التوقيع

ربعي عتيبه نـور مشكـاة بسـراج=صبح(ن) ينور في دجى نجد مبلوج نسل نقـي مافيـه مولـود خـداج=لا عودت بعض العرب هتم ولحـوج وإن عودت بعض العرب خلف حجاج=يرجع نسبنا لعرق ماهوب ممـزوج الاد روق معدلـة كــل منـعـاج=للي من أنواع القشر راسه طعـوج وبرقا سنـام البيـت للعـز معـراج=مركابهم وقت الوغا كـل مسـروج m10-m10@hotmail.com

[الطوفان]

لعلك للبقا وانته حكيم ويطفي الانشاب= وفي هذا الطريق الزين تزهمني وتلقاني
انا ربعي عتيبه من نسبها خيرة الانساب= نسبها في هوازن من سلالة قيس عيلاني

[الطوفان]

المبتدي

صح لسانك يالغالي

نورت الصفحه بمرورك

تحياتي

[ذياب]

وأنا والله ماولع فالفتيله وألحق المشهاب=وربعي كلهم عندي سوى من ماض الازماني
ورى كنك مشكك في عتيبه ياقوي الناب=عتيبه جدهم معروف ياذربين الايماني

[الطوفان]

انا شفت الزعل واصل مداه ومغضب الاقراب= ونصف العلم بين لي ونصفه راح ماباني
يدينٍ تشتغل سد التقا وتسبب الاسباب= وجيه مقنعه تبا تفرق بين الاخواني

[فهيد مقعد الرويس]

وأنا والله ماولع فالفتيله وألحق المشهاب=وربعي كلهم عندي سوى من ماض الازماني

صح السانك

ياذياب

ولايهون الطوفان

وازهلو الصفوف ياعتابه

تحيتي للجميع

[ذياب]

وأنا والله ماتزعلني علوم الجهال المرعاب=يدودي فالخلا والذيب فالمرقاب سرحاني
ليا شفت اليدين اللي تلبس فالظلام ثياب=أقول أضرب عليها بالسيوف البيض يافلاني

[ذياب]

المشاركة الأصلية كتبت بواسطة المبتدي

وأنا والله ماولع فالفتيله وألحق المشهاب=وربعي كلهم عندي سوى من ماض الازماني

صح السانك

ياذياب

ولايهون الطوفان

وازهلو الصفوف ياعتابه

تحيتي للجميع

صح بدنك يالمبتدي

ومرورك أسعدنا وشرفنا

أخوك