قرب قرب قرب يا الطوفان

[صامل الغنامي]

شايفه ف الديره الي صابها فقر ومجاعه= دونه الي يحتمون الضيف لوهو قلباني
راع ابن عمك ولو يجفاك ياطوفان راعه= لاتفسرها غلط وتقول غريت المعاني

[الطوفان]

ليش ماجيته وكلمته ولو هو ربع ساعه= وان حداك الجوع ابا اجيرك وحطك في ضماني
عاين البابور في وسط البحر رافع شراعه= رافعله بيرق تستقبله كل المواني

[صامل الغنامي]

صاحبي جوعان ويكابر كذا ياقو ناعه= صايمين الدهر كله مفطرينن برمضاني
خايف البابور يقلب والبحر من شاف قاعه= وسايق البابور هلاس وسريع وهلقماني

[الطوفان]

مايصيح الا الجريح اللي محطمةٍ ضلاعه= اثر حاديك الحسد واللي بلاكم مابلاني
مار خلك في مكانك عند اخوك من الرضاعه= لاتقرب يمنا وتذوق ضرب الجبخاني

[صامل الغنامي]

ويش ابحسدكم عليه لعلمكم ولا الطواعه= عشت ياعقبه يابن نافع بنيت القيرواني
ضاق أبو قلب كبير وحط في عينه صباعه = وأصبح أعمى مايشوف وصلحوله مهرجاني

[الطوفان]

انت قاهرك الجبل طوله وعرضه وارتفاعه= عاجزٍ ترقاه ويخوفك شوف العقرباني
مانسد عيوننا بيديننا خل الصعاعه= من رفض سلم القبيله نجلده بالخيزراني

[صامل الغنامي]

الجبل مادام صار العقربان أقوى دفاعه= نجم واحد مستعد يزلزله ف أربع ثواني
القبيله كم جزء في حربكم بعد اندلاعه= يامفرقة الجماعه وش بقي ياهوه ثاني

[الطوفان]

الجبل دونه نموره والجبل دونه سباعه= كل نجم يحترق في الجو ويعود دخاني
مانفرقها نجمعها ونصنعها صناعه= وانت مولود جديد وممتلي قلبك حناني

[صامل الغنامي]

لو أبو عبود يقرأ كل مايكتب يراعه= كان يدر أنه مجرد نرجسي طماع أناني
أنت والد وإن جلس جنب ولده كنه وراعه= شايب دمك خفيف وشيخ كار وبهلواني

[شيخ القبيلة]

لاهنتم ويعطيك العافية