من قصائد المطوع المجيولي النفيعي

[عتيبي من الخرج]

بسم الله الرحمن الرحيم




انقل لكم قصيدة المطوع المجيولي ومناسبتها انه دخل محمية الأمير / عبدالله بن خالد العرافا , وشاف في قاع الجبل الأسمر صنادق وأبلٍ مغاتير فسأل عن الأبل والصنادق لمن هي له . فرد عليه أحد الموجودين أن الصنادق والأبل لبندر بن نايف بن حميد فتمالك نفسه وقال هذه القصيده .

يا أمير ياللي نازل(ن) لك بخليان =وأنت ولد قوّاد حمر الطوابير
ليتك نزلت اشعيب في جنب عروان=وإلا نزلت أبحار في شرقي النيّر
حتى تشوف العزّ شوف(ن) بالأعيان =وتذكر صهيل معسكرات المسامير
مثل نهار(ن) بين عرجى وعروان =لاسيّرت العطفه على حرب وامطير
لاجلست العصر ثم جاك عتبان =وجنّك ونيتات(ن) بعيدات المشاوير
أنت سلطان البدو وأبوك سلطان =لازارك المجرم لقا فاعل الخير
تهز يمنى نورد السيف شامان = بالخرّص وإلا الوقت لاعه معاصير
لا ألتقى الجمعين حزنى وعدوان = تنجون دخلات المهار المثايير
أكن مافي الصدر والقلب حزنان = كنّ الظماير في جوفها حامي الكير
مانيب جايع جوع لكن ضميان = والله رزق في الجو كف الطناقير
وصلاة ربي عد ماهلّ ودّان=على النبي اللي أمرنا على الخير

[ابوعبد الرحمن22]

عتيبي الخرج



والله ونعم ابو فرج عزالله انه رجل فيه خيرلربعه وجماعته


وعز اً لمن مشى بجنبه الله يطول عمره وارجو ان


تزودنا بما عندك من قصيد المطوع ومن القصص التي


مرت عليه حيث اسمع ان له موافق وقصص



تحياتي

[عتيبي من الخرج]

الاخ الكريم/ابوعبدالرحمن 22
ما عليك زود ونعم ابك
المطوع المجيولي شاعر كبير ومعروف عنه بدفاعه عن قبيلة عتيبه
تحياتي

[مطرح البعارين]

والله والنعم فيك وفي المطوع



قصيدة رااائعه من شااعرمعروف وكبير



مشكور ياعتيبي الخرج



والله يعطيك العاافيه

[نايف المسعودي]

والله و سبعة انعام بالمطوع المجيولي

وصح لسانه على هالقصيده المعبره


ومشكور على النقل الطيب

ياعتيبي الخرج

وماقصرة


وشكرا..........................

[قلم شاع ـر]

صح الله لسانه وعلا شانه ... وصح ذوقك ياعتيبي من الخرج
لاخلا ولاعدم على هالجزّله .. بيض الله وجهك

[الأمــير]

اشكرك على هذه المشاركه الجميله


وشكــــــرا 00000






اخـــــوك
ذيـــب الحنــــابج