يقول الازوري والقاف لآلآلآل ......... قصيده في رجال وفي رجال

[الازوري]

يقول الازوري والقاف لآلآل=قصيده في رجال وفي رجال
قصيده قالها من هيض باله=هلاليه معانيها جزال
عسى تزخر بها بيض الليالي=وتذكرني بها سود الليال
ليا قالو تعيش أبدع واغني=وأصرفها كما صرف الريال
سوالف عارفه ومزوح فيها=كما مزح الجبرتي مع هلال
معاني من ضمير(ن) ما تكلف=ضمير(ن) حط ف الدنيا وشال
بعد في غربها والشرق سيّر=وسيّر في جنوب وفي شمال
فلا جاب العلوم ألا عوارف=ولا أركى للحمول ألا جمال
ولا شال الهموم ألا معنى =نهار ان الردي مرتاح بال
يغرك ف العرب مُلك الجديده=ولبس الثوب الأبيض والعقال
ولا منك بحت عن المراجل=ورى ان المرجله من زود مال
فلا زاد العرب لبس المشالح=ولا قلل بهم لبس البدال
ضعيف العزم يقصر عن فعوله=ولن هبت به الهبان مال
وتلقى من تقول انه غنيمه=وهو مطواع مع بنت الحلال
فلا له قالة(ن) يمشي علاها=رثوع(ن) في قصار وفي طوال
فنا ما قلت عطها بالشتايم=ولا تربط عشيرك بالحبال
ولكن لا تعاينها وتمسي=طلي بيدينها روح وتعال
وبعض الناس في ربعه رزيه=حصاة(ن) لا تُحط ولا تشال
ليا ربعه على اليمنى تنحّوا=نكس عنهم وخلاها شمال
هذاك الحرمله لا عود فيها=ولا مرعى ولا حتى ضلال
وبعض الناس يزعل من ضلاله=ولن رزته كما الجدر الهيال
فلا غاضب ولا راضي يسرك=ولا حاله من الحالين حال
ردي الأصل لامنك نصيته=يذل من الأجابه والسؤال
عظامه ترتعد من كوب شاهي=ولوّ تموت ما يذبح خيال
وعنده بيض الله سود الله=ما يزعل لو تمده بالشمال
وبعض الناس يضحك لك بسنه=وهو عقرب ذنبها ف الرمال
وبعض الناس لا خذ منك زله=نقز فيها كما نقز الغزال
يجيب ان جاك وان قفا يودي=حياته بين قيل وبين قال
وبعض الناس كيده في ربوعه=وعند الأجنبي مثل الرخال
يدور ما يكيد عيال عمه=ويحسبها توديه الكمال
يشيل اتراب يحثى فوق راسه=هذاك يجوز في وجهه تفال
فلا به شر من حزب الرفاقه=ولا به شر من كيد الرجال
ولا به شر من بير الشراكه=ولو تسقيك من ماها زلال
ولا به مر(ن) أقوى من عداوه=عداوه عم ف الدنيا وخال
فلا جايز بها حتى المجادل=ولا جايز بها حتى القتال
وبعض الناس يا مطيب فعوله=خصاله ما تجاريها خصال
ليا شيلته الوحده حملها=ولن شيلته الثنتين شال
أله قاله ليا منك بغيته=وله مرسى كما ترسي الجبال
ليا منه حمل معروف صانه=ولو ابطيت كان ولا يزال
الا يا الله يا رب(ن) دعيته=تراني طالبك يا ذالجلال
ألا يالله ترحم من فقدنا=كريم اعد له بيض الفعال
ابو خالد ليا مني ذكرته=هشم قلبي ودمع العين سال
عويض يا عويض ما نسينا=وذكرك من مجال أليا مجال
فلا به بعدكم قاف(ن) يغنى=ولا به بعدكم قاله تقال
ولا به بعدكم ذيب الشيابه=ولا به بعدكم ذيب العيال
ولكن الزمن هذي فعوله=وما نطلب وما نبغى محال
وصلى الله على سيد البريه=شفيع الناس في يوم الهوال
وتم القول مني في معاني=كلام الازوري في قاف لال

[أبو زيد]

ولا به مر(ن) أقوى من عـداوه
عــداوه عــم ف الدنـيـا وخـــال

فـلا جايـز بهـا حـتـى المـجـادل
ولا جـايـز بـهـا حـتــى الـقـتـال



الله الله الله

أخي العزيز والله إنها لتستحق أن يقال عنها معلقة المنتدى...

هي أروع ماقرأت...... تشخيص للواقع... وصف وإبداع ودقة....

فن وصور شعرية بلاغية.... فالله درك ياأزوري.. لله درك....

صح لسانك مدد بلا عدد...

وتحياتي

[فيصل المسعودي]

الازوري


وين الغيبات ياشيخ


صح لسانك يالغالي


جزاله وروعه وابداع


غير مستغربه منك


تحياتي ياغالي

[مرزوق حمدان العتيبي]

..
.

قصيده شامخه تستحق الاعجاب ..
جزل جزل يالازوري وصح لسانك ..
...
.
اخوك ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[فواز الشيباني]

صح لسانك وسلم بنانك

ولاهنت ياغالي

[أبو مرحبا]

الازوري

صح السانك قصيدة رائعه

التوقيع

إن قلَّـت الوزنـه وربعـي مشافيـح ** أخلـي الوزنـه لربعـي واشـومـي

[الفراهيدي]

صالح الازروي

صح لسانك وسلم بنانك

على القصيدة الرائعة

دائما تمتعنا بالجزل يالجزل

تحياااااااااااااتي

التوقيع

AL-frahedi@hotmail.com

[مؤمن]

صح لسانك يا الازوري وبيض الله وجهك على ها القصيدة الرائعه



الله يعطيك العافيه واتمنى لك التوفيق والسعادة



ولك كل الحب والمودة

[ابـن نـعـيـس]

الرائع الازوري


بيض الله وجهك


وصح لسانك مليووووووووووون


تحيااااااااااااااااااااااااااااااااتي

التوقيع

[الــوآفــي]

الله عليك يالازوري



ابداع غير مستغرب ورحم الله ابو خالد


ننتظر الجديد

اخوك ذيبان

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه