لو يسيل الدم من شلفى شليويح العطــــاوي

[الحر الأشقر]

هذه المحاورة جرت بين الشاعرين الكبيرين / رشيد الزلامي وحبيب العازمي
أتمنى أن تحوز على رضاكم واستحسانكم.......


الـــزلامي
مرحبــــا في حفل قومٍ يوم ترديـــد العزاوي
...............................................يسـ ــلم الكافر لعزوتهم وزبــنٍ للمجـــنا
يا حبيب والله إني فيك مدري ويش نـــــاوي
.................................................أ نت منا مير بعض مرار كنك ما أنت منا

حبـــــيب
والبقاء في كل ساعة يا بعيدين الهقاوي
...........................................وأحمد الله يوم حنا من وطنا في وطنــــــا
ويش رايك نقسم النية علينا بالتساوي
............................................ يامدوّرنا تدوّرنــا لـــكن تنحـــــــاش عنا

الزلامي
أنت لو خاواك ملفي فالمهمه ما تخاوي
............................................ لا تقــــول إنك تقربنـــا وبعـّدناك حنـــا
الجمال أكلت بعضها والعرب تشرب قهاوي
............................................ ما عليــنا من جمال الناس واسلم يا جملنا

حبيب
أنت صادق ليش أخاوي ما يخاوي غير غاوي
...............................................خل ملفي وشو ورى غزوتك هاذي يامهنا
الجمال إقلوبها في مخلب الحر النداوي
.............................................. باقي منها جمل واحد حمر عوّد وأكلنا

الزلامي
لو يسيل الدم من شلفى شليويح العطاوي
...............................................كان ضحك المورقي ويقول هاذا ما أتمنا
ترمي البشت الشمال وتلبس البشت الحساوي
..............................................ما أخبر الروقي يسوي هالسواه الله يامنا

حبيب
مانقول الا عسى ربي يكافينا البلاوي
.......................................... الزلامي لو يموت المورقي هجرس وغنـــا
يارشيد أنته ثلاث سنين ترثع فالشواوي
............................................ لا تشيل العيشه اللي من صحنك ليا صحنا

الزلامي
ويش أسويبك ليا منك سرحت وجيت ضاوي
......................................... إطلع الضلع الطويل وقول بالله إستعنا
ثم علم جارك اللي يدعي بعض الدعاوي
..........................................خيرة الله لا يخامسني بكفٍ فيه حنا

حبيب
إن وردت العد يا أبو زيد أنا حبلي رهاوي
...................................... وإن نطحت القوم ما دور فزوع ولا تونا
المشايخ ما تعامل بالوساطة والرشاوي
.......................................وأنت مثل اللي يهوز الحمل وبعيره مثنا

الزلامي
روح لا تقعد تسدّح فالشعابه والمطاوي
..................................... لا تعـــلمنا ترى ســـود الليالي علمنــــا

[أبوسلطان]

اخوي العزيز ........ الحر الاشقر

ياهلا والله ويامرحبا بك وبمشاركاتك المميزة

مشاركة فعلا قيمة ... مشاركة الدم السايل

مشاركة فارس منقولة عن فرسان

بارك الله فيك وكثر الله من امثالك وبيض الله وجهك

ولا تحرمنا من المشاركات

مع ازكى تحياتي واطيب امنياتي

اخووووووووووك

ابو سلطان

[الحر الأشقر]

لاهنت أخوي أبو سلطان ولا عليك زود
وأتمنى أن أوفق لإرضاءك وإرضاء جميع الإخوان
وقبيلتنا ولله الحمد تستحق منا أكثر من ذلك، وشعارنا الكبار أيضا يستحقون الإشادة لأنهم أوفوا بحق قبيلتهم ,,,
ومشكور يا أبو سلطان مرة أخرى ولاهنت
وابشر باللي تبي

[أبوسلطان]

اخوي الكريم ...... الحر الاشقر

ابيك سالم وغانم واللي مثلك حنا نفخر بة

واللي مثلك فخر للقبيلة

والقبيلة ما تروم العز الا على سواعد ابناءها المخلصين امثالك

وامثال الاخوان الكرام الموجودين معنا

والله يعز قبيلتنا بنا ويعزنا بقبيلتنا

اخووووووووووك

ابو سلطان

[الحر الأشقر]

الله يسلمك يا أبو سلطان ولا عليك زود
وهذا من طيبك ومن نبــــل أخلاقك وتواضعك وأشكرك على الخواطر اللي قدمتها لي, واتمنى ان اكون دائماً عند حسن ظنك وظن جميع الإخوان.
وحق القبيلة علينا أكبر من كذا لأن قبيلتنا ولله الحمد عـــز وفخر وشرف وتنومسنا فعايل أهلنا وحقهم علينا الإخلاص والوفى لهم لأنهم فتحو لنا جميع الطرق وأنزلونا خير المنازل،
ولا هنت يا أبو سلطان ومشكور وبيض الله وجهك .

[أبوسلطان]

ولا يفوتني اخوي الحر الاشقر

ان اهنيك على التوقيع الجديد

توقيع فعلا ينال اعجاب الجميع

يازين ســـج القـدم ولارض ممطورة
مع درب نوق يهيض القلب ممشاها

ترعى من الريم والحيران مقهورة
عقب الســحايب عليها نثر مــاهــا

توقيع فعلا جميل وفية احساس شاعر

اخووووووووووك

ابو سلطان

[الحر الأشقر]

الله يهنيك بسلامة كل غالي إنشاء الله وبالعافيه والصحة والحياة السعيده
وهذا من ذوقك ومشكور يا أبو سلطان

[ابن هليل]

حبيب العازمي%%%%%%%رشيد الزلامي


عمالقة الشعر


شكراً يالحر الاشقر على هذه الهديه الغاليه




ولاتحرمنا من غيرها

[الحر الأشقر]

لا شكر على واجب
وابشر يإبن هليل باللي تبي

أخوك/ الحر الأشقر

[نهيان الحمادي]

الحر الاشقر لاهنت على ها النقل محاورة جزله