مشاركتي في حفل زواج الشاب / بسام محمد الجعيد

[متعب ثواب الجعيد]

سلام يارجالٍ مناعير واحشام = ياهل الوفاء واهل النفوس الكريمه
ويا مرحبا عدة ذعاذيع الانسام = وعداد ما هلت على الروض ديمه
في حفل ربع ٍفي المواقيف حكـّام = رؤوس الرجال الطيبه والحكيمه
ليلٍ جمعنا في فرح خير وانعام = بـسّام نجمه والمعتّق نسيمه
بعد العزيمه جات حيّاه عزّام = واجب علينا نحتفي بالـعزيمه
نجي لها لوكان نمشي بالاقدام = نطوي الفيافي للرجال الحشيمه
عـن الـزواير فالـمنصّات قدّام = قـمت اتمثـّل للـعقول الفهيمه
ربعي هل الطالات ذربين وكرام = سقم العداء طب القلوب السقيمه
في مدحهم تشريف ماني بمنلام = من غير قاصر في قبائل عظيمه
جينا نشارك في فرح عرس بسام = له عندنا بالحيل حشمه وقيمه
مبروك ياطيرٍشهر فالفضاء حام = مبروك يانسل الحرار الصريمه
ياطيبٍ طيبك من الخال واعمام = تاريخ راقي من سنين ٍقديمه
عسى السعاده دايمه كل الايام = والك الهناء ياجعل ربي يديمه
ويارب عمّ الخير بديار الاسلام = والعدل فالاوطان يارب اقيمه
وسلط على بشار بجنود واسهام = هذا اللذي جاب الكوارث جسيمه
عجّل بنصرك من طواغيت فالشام = اللي لهم في كل لحظه جريمه
شام العروبه حطّه الفرس مرسام = يا شينها يا كبرها من ظليمه
راحوا ضحايا غدر شيبان وايتام = واين العرب ما ينصفون اليتيمه
طال الصبر والجورعامٍ بعد عام = والدم سايل والروافض مقيمه
يا خادم البيتين يا اليث ضرغام = الجرح غاير والمساعي عقيمه
لك هيبةٍ يفخر بها كل مقدام = ومن دون رايك كل خطه عديمه
وصلاة ربي خير تعبير واختام = على النبي يا عنك هذي غنيمه

[وصل الشهيب]

الشاعر متعب بن ثواب الجعيد

صح لسانك وبيض الله وجهك

يستاهلون ربعنا كل هذا المدح واكثر

وانعم واكرم بك وبربعك

متعب

وافي وراعي واجب

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[محمد@الجعيد]

صح لسانك يابو فهد وابو محمد يستاهل هذه القصيده

[متعب ثواب الجعيد]

المشاركة الأصلية كتبت بواسطة وصل الشهيب

الشاعر متعب بن ثواب الجعيد

صح لسانك وبيض الله وجهك

يستاهلون ربعنا كل هذا المدح واكثر

وانعم واكرم بك وبربعك

متعب

وافي وراعي واجب

تحياتي

الشاعر القدير: وصل الشهيب

تحيه طيبه

مرورك اسعدني وصح بدنك يالغالي

ونعم بحالك وهذا من رقي شخصك الكريم

تقبل مني اطيب تحيه وتقدير

اخيك

متعب الجعيد

[متعب ثواب الجعيد]

المشاركة الأصلية كتبت بواسطة محمد@الجعيد

صح لسانك يابو فهد وابو محمد يستاهل هذه القصيده

الاخ : محمد@الجعيد

تحيه طيبه

مرورك اسعدني وصح بدنك يالغالي

لك مني اطيب تحيه وتقدير

اخيك

متعب الجعيد