اناماردايم جالسن لي على الذرعان

[فيصل مطر]

السلام عليكم

اخواني الافاضل اعضاء وزوار منتدى الهيلا عتيبه الشامخ بوجودكم , تعبرعن عن ماحتوت آمل انتحوز على رظاكم ودمتم طيبين

هذاه الزمان الي تعوذ منه هامان=على ما بداله من بلا قرن عشريني
يشتت رجال الطيب ويجمع الخبلان=ويركب علاك الوقت مثل ام ظرفيني
ويحوشك مع العميان والصم والبكمان=ويحوشك مع الصاحين هم والمجانيني
ويجيك البلا الي دايم للبلا نشطان=تجازيه بالحسنه ويجزاك بالشيني
ويجمع لك اشكالن بهالزوم والطغيان=بلاعيم وخشومن سوات الحواجيني
مهب داري ان العمر محدود مهما كان=ولاشعر بقول الله في صورة التيني
زمانن بداله ذكر من سالف الازمان=ولاكن اظنه توماحل ذلحيني
عيانن بيانن حل بالعين والعنوان=تعين وبين ل الرجال البيبيني
على الناس عم ولايشوفه يكود اثنان=ثنانن حكيمين الروابع سلاطيني
احدهم بشر والجنس الآخر من الحيوان=بلي بسمها والوقت خانه بعد حيني
وانا يوم اميز فيه كله بلا وجنان=عرفته كبنه طول عمري مباريني
مسكنا شباب وكدنا اكثر من الشيبان=ولقانا على ما يهتويه متهيني
رمابي جنوب وغرب ثم جابني لاهان=ولادري بعدها وين يبغا يوديني
انا ماردايم جالسن لي على الذرعان=عيونه علي معيسر الكتف ويميني
عسى الله يخارج من عميل الردى الخوان=عميل الردى الي طول الايام مهريني
والايابن سعدي صاحبك خانه الزمان=وجيناك عقب عضلة الوقت لافيني
وانا أشره على الطيب ولاشره على الرديان=اشره على بعض الرجال الدناديني
عناتيت شمر مقعدة طبلة الميدان=زحول الطنايا محرقين الغلاويني
رجالن لها ف الاوله علم والها شان=وف الآخير راجتن بكل الموازيني
ولهم بالكرم عادات وبشيمة الجيران=ولاهم بفي حق الخوي بمتدرديني
وانا في بلدهم ظيف من جملة الظيفان=ليالي لابد انا عن الدار ماشيني
ولون فيصل ابن شريم يدري بشين كان=وتجيه العلوم الطيبه كان يرضيني
عسى الله يبارك في ذراء القايد السلطان=تحكم بنا فيه القطى والكراويني

(فيصل مطر)

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[فيصل مطر]

اخواني الاعضاء سلامات

عسى ماني مزعل احدا منكم وراء ماحد يطرق على موضوعي

غريبه

[عايض جزاء العصيمي]

صح لسانك ملييييييييييييييييييييييييون يابو مطر
قصيده قمة فالروعه لاهنت
وهذا ليس بمستغرب عليك طال عمرك,,
تحياتي وتقدير ي لك

[عزارم]

صح لسانك يا طيب

[فيصل مطر]

المشاركة الأصلية كتبت بواسطة عايض جزاء العصيمي

صح لسانك ملييييييييييييييييييييييييون يابو مطر
قصيده قمة فالروعه لاهنت
وهذا ليس بمستغرب عليك طال عمرك,,
تحياتي وتقدير ي لك

صح بدنك اكثر

وشكرا لمرورك الرااايع واطرآك العذب دايما

يابوجزاء

تحياتي

[فيصل مطر]

المشاركة الأصلية كتبت بواسطة عزارم

صح لسانك يا طيب

صح بدنك وشكرا لمرورك لاهنت

تحياتي

[راعي القوافي]

صح لسانك واعتلا شانك يابو مطر شاعر مميز دائماً وتستحق الاشاده