رثاء في هوصان بن سعود الفرد المقاطي

[مجول بن جلال المقاطي]

ياسعود خف من البكاء شوي ياسعود =على قدر ياسعود ماتستطيعي
لوكان من كثر البكاء خالي ايعود = قمنا معك ياسعود نبكي جميعي
مير البكاء مامن ورى كثرته فود = على المشاعر حد سيفن بتيعي
تبكي ابوك ولاتغشاك منقود = وهذه من حسن الوفاء والصنيعي
ندعوا له الرحمه بلا قيس وحدود = في قرب من هو لكل الامة شفيعي
يالله ياغفار ياخير معبود = حط له سدا عن جهنم منيعي
وفي جنة الفردوس في سدر مخضود = تجعل مقرة يالعلي السميعي
هوصان مقباس الظفر منبع الجود = الوافي السمح الكريم الشجيعي
حصان المواقف بالمواقيف معهود = حكيم راي وهرجته ماتتيعي
لسانٍ فصيح وبالشعر يكسب الزود = لهرجه مورخت المثايل تطيعي
من ساس ربعن مجدهم كنه الطود = بمجادهم كل المجالس تذيعي
فرود لاعدوا هل الطاله فرود = اهل الشجاعه والمقام الرفيعي
الفرد يوم الماد عجه وبارود = مضراب سهمه بالمعادي شنيعي
خوالي اهل الصيت ذباحة القود = في وسط قلبي قدرهم مايضيعي

[سعد بن مطلق المقاطي]

صح لسااااانك والله يرحمه ويرحم اموات المسلمين

التوقيع

ديــــــــــــــــواني

[أبن نافه العطاوي]

صح لسانك والله يرحمه رحمه واسعه ويرحم أموات المسلمين جميعا

[مجول بن جلال المقاطي]

المشاركة الأصلية كتبت بواسطة سعد بن مطلق المقاطي

صح لسااااانك والله يرحمه ويرحم اموات المسلمين

صح بدنك يابو مطلق

وجزاك الله خير والله ولايوريك مكروه

[مجول بن جلال المقاطي]

المشاركة الأصلية كتبت بواسطة أبن نافه العطاوي

صح لسانك والله يرحمه رحمه واسعه ويرحم أموات المسلمين جميعا

شكرا على المرور وتقبل الله دعاك

[راعي القوافي]

صح لسانك واعتلا شانك يامجول

[مجول بن جلال المقاطي]

المشاركة الأصلية كتبت بواسطة راعي القوافي

صح لسانك واعتلا شانك يامجول

صح بدنك
ولاهنت على حسن المرور

[ابن ركيبين]

صح الله لسانك