صامل متفرغ لكم ..!

[صامل العصيمي]

الشاعر اللي يباني أحوسه

يسجل تواجده ويبدع

لاهنتـوا .

[علي الثبيتي]

صامل واشبك ما اتصلت عسا محرجناك

التوقيع

ماني بلا روقي ولا برقاوي = انا ثبيتي جد روق وبرقا

[فلاح الواهبي الشهراني]

تعال ياصامل اخبرني عن الحوسه=والله ماتسري يالين انك تحثلها
الناس دايم تكافح علةالسوسه=واصحابنا تعشق السوسه وتحملها

[صامل العصيمي]

المشاركة الأصلية كتبت بواسطة فلاح الواهبي الشهراني

تعال ياصامل اخبرني عن الحوسه=والله ماتسري يالين انك تحثلها
الناس دايم تكافح علةالسوسه=واصحابنا تعشق السوسه وتحملها

خبيت لك حاجةٍ فالجيب مدسوسة = لابد يالواهبي تأتي وتدهلها
إن كانَ جاته بسنه وألا بضروسه = عندي دواء للبلا لازم يحصلها

[صامل العصيمي]

المشاركة الأصلية كتبت بواسطة علي الثبيتي

صامل واشبك ما اتصلت عسا محرجناك

ارحب ياعلي

لا والله ماش إحراج

لكني كنت مشغول شوي

خلني اتولى امر الواهبي هههه

لاهنت على المرور

[فلاح الواهبي الشهراني]

الواهبي عند راسك جاهز(ن) موسه=وام الكباير ياتشربها ياتاكلها
اللي من اول يدرهم خلف جاموسه=اصبح على الناس يامرها ويمهلها

[طحرور العقيلي]

هذا اللعب الصح اللي يعجبني

[صامل العصيمي]

المشاركة الأصلية كتبت بواسطة فلاح الواهبي الشهراني

الواهبي عند راسك جاهز(ن) موسه=وام الكباير ياتشربها ياتاكلها
اللي من اول يدرهم خلف جاموسه=اصبح على الناس يامرها ويمهلها

موسٍ بليّا سنونٍ جات منكوسة = وأسيوفنا فوق روس القوم يفصلها
اليا زرعت البصل تطلع لك الكوسة = وأنته ترى راعيٍ والشاه حولها

[طحرور العقيلي]

يا هجادكم من الواهبي عزالله إن أبياته حرائق ولا يهون صامل صديقي وحبيبي

[صامل العصيمي]

هلا ياطحرور هلا

لاعدمناك

لكن بيوته جات نقض