قم يا نديبي واخذ خطي لعنوان

[ابن جدعــان]

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مساجلة بين منصور بن جدعان ويوسف بن جديد السليس

اقول انا:

قم يا نديبي واخذ خطي لعنوان=عنوان يفخر كل رجل[ن]وطتبه

وايمن عفيف الديره ، الي لها شان=صقرة سليس[ن] كل ربعه صطتبه

وايمن بيوت الديره اتشوف بنيان=بانيه عزه والرجال اقلطتبه

واذا وصلته قول له يا كحيلان=منصور ابن جدعان رجله خطتبه

في رحلة[ن] بين المشاكل والاحزان=صابر وصلفات الرياح احبطتبه

ولو لاه ما يعرفك معنى وديوان=ما كان ارسل سر نفس اورطتبه

سر[ن]حفضته قصدي افلان وافلان=اهل النمايم لو درت بطبطتبه

سر الغرام الي على مر الازمان=نفسي،شرف،عفه،وفاء ،خالطتبه

للبارعه ،للقايده ، لالطف انسان=عنقا[ن] تصون الهرج ما لخبطتبه

ما فيه مثله لاق لي طبع ولسان=ووصوف عقلي ياولد بنطتبه

احلى الحلا، اوفا الوفاء،لو بالاثمان=تفداه روحي دامها شبطتبه

هذا سبب مشكاي يا طير حوران=وانته تعرف العلم لو خبطتبه

ناس[ن] تحب وحبها زور ، بهتان=حب الوفاء حب الشرف بزوطتبه

والتمر فالخرمه له اشكال والوان=وترى الليالي ما خذتبه عطتبه

والخاتمه وجهتها يم عنوان=يوسف جديد الي ربوعه صطتبه


فرد يوسف بقوله:

خط[ن] لفا فيه المعاني والاوزان=تبهج ضميري والهجوس انشطتبه

نضم وحكم صدر بيته على ان=والعجز موزون[ن] على قاف [طتبه]

من شاعر[ن] غنى بعذبات الالحان=حروف شوق[ن] والشرف نقطتبه

ماهوب شروى ناقص العقل جابان= نفسه لهزلات الامور اهبطتبه

من بيت عز[ن] له قواعد وسيسان=فعل الكرامه والفخر نوطتبه

بيت[ن] تنصاه النشاما على شان=رجل فعول المرجله حوطتبه

وكلمة هلا للضيف في كل ميدان=طبع[ن] لابوه وعادت[ن] رابطتبه

والمدح لو ماله مداخل وبيبان=كان المشاعر حرفها فرطتبه

وما هي غريبه لو مدحت ابن جدعان=حقق شروط[ن] للشرف شرطتبه

وان كان يشكي من هوى خدر الاعيان=ومحبته باقصى الضمير اسقطتبه

ترى الهواء قدمه غدا بابن عدوان=باسباب من نفس الشقا سلطتبه

وايضا الدجيما يشتكي سر واعلان=عقب المحبه في ضميره سطتبه

فانا تراني معه لو كان ما كان=لو ان نفسي للخطر قلطتبه

بجمع شتات[ن] عقب فرقا وشتان=قصة غرام[ن] سبته حوطتبه
[/poet]

[إبن زياد]

صح لسانك يامنصور ولسان يوسف

وبيض الله وجهك وجهه

راااااااااااائع وجزله


ابن زيااااااااااااااد

[ابن جدعــان]

يابن زياد

وجهك ابيض

وصح بدنك

[الــوآفــي]

صح لسانكم يا ثنين

وشكرا لكم

وشكر خاص لك انت يابن جدعاااان

تحيااتي لك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[ابن جدعــان]

الاخ ذيبان


صح بدنك

ويشرفني مرورك