ابيات مختاره من قصيده

[ابو حسام الغنامي]

ابيات مختاره من قصيده


هذه ابيات معبره تم اختيارها من قصيده طويله وفيها توضيح عن وقتنا الحاضر واختلافه عن الوقت الماضي

ارجو ان تنال استحسان ذوق المتصفح:

وان جيت للاصحاب وش هالحلاحيل. @. وظنيت انا الصاحب بعمره فداني

وليا بدى لازمك جتك المواويل. @. وتقول ياليت الدهر ماحداني

راحت حياة البدو هي والمعاميل. @. وراح النجر روحة حبال السواني

بيت الشعر ظلا من اول مداهيل. @. للضيف والجيران هم والعواني

والضيف رزقه عند ربه تساهيل. @. يومن ولد اللاش عشره ثماني

وراع البخل ماهو بجايب محاصيل. @. وحظه ردي مابين قاصي وداني

ياما نشوف بهالدهر من مذاليل. @. واطي عليه الوقت برمح وسناني

اليا نصاه الضيف ماياجد الهيل. @. والجوع واصل للضلوع الحواني

ويقابل الضيفان بكل التهاليل. @. ولا يعيبه قولة المفقراني

وياما وياما يصدفونك مهابيل. @. يجمع لغيره وصار قلبه جباني

يروح ماله بعد موته تشاليل. @. ولا هو بكاسب غير سب ولعاني

كلمة (ونعم)تبغى رجال الجماميل. @. وحبل الجميله فالتينه عناني

وصلوا على محمد عدد مطلع سهيل. @. والمعذره لن كان شئ سهاني



الشاعر/. ابو حسام الغنامي

[سـعـد العصيمي]

ابو حسام صح لسانك وبيض الله وجهك

قصيدة جزله من شاعر جزل

تقديري

[عايض جزاء العصيمي]

ابو حسام
صح لسانك

[محمد الذيابـــي]

صح لسااااااااااانكــ يابو حسام

قصيدة مكتملة المعاني والتصوير

لا هنت ولا هان راسك,,,,

التوقيع

التوقيع محمد الذيابـــي

[ابو حسام الغنامي]

صحة ابدان الجميع

[سيف نت]

صح لساااااااااااااانك

[ابو حسام الغنامي]

الاخ سيف نت

صح بدنك ومعذرة على التاخير

[مفرح ذيب العطاوي]

[quote=ابو حسام الغنامي;1269305]ابيض وجه

صح السانك

[ابو حسام الغنامي]

الاخ مفرح العطاوي

وجهك ابيض ولك الشكر والتقدير على المرور