من روائع الشاعر خالد العتيبي

[محمد الذيابـــي]

هذه إحدى روائع الشاعر القدير خالد بن محمد الدعجاني العتيبي

وهي من أجمل ما سمعت لشاعرنا الرائع خالد وبها نوع من الابتهال الى الله.

,,,

الشعـر صـدره صـدر وسـدوده ســدود=دمـع العيـون وضحكـة الـلـي فقـدهـا
والطـرق ماهـو وقـف فـي درة الـخـود=وقــلادة بـيـن الـطـويـل ونـهـدهـا
والمـدح فـي راس حـوى كــل منـقـود=عنـدي علـى ماعـرف مـن الـذل وادهـا
يـاالله ياللـي ماتحـت جــودك الـجـود=يامـوعـد النـفـس اللجـوجـه وعـدهـا
يافـارج الكربـات عـن كــل مضـهـود=جــودك ولامــن اليـديـن وحـسـدهـا
حنـا عبيـدك وانــت ياخـيـر معـبـود=لاتـركـن الـبـدو الضـعـوف لجهـدهـا
فزعتـك باللـي كنـهـا شـامـخ الـطـود=صيـفـيـة يـتـبــع مطـرهـارعـدهـا
لابـشـرت بقدومـهـا رايــح الـنــود=مالـت غصـون الطـلـح وورق جسـدهـا
عـيـد العـيـون ابرقهـاجـارح الـسـود=وعيـديـه البـيـد الضـمـيـه بـردهــا
عشريـن لـيـل ومـدهـا مـالـه حــدود=مــن حـايـل لمـكـه لنـجـد لبعـدهـا
ولاعـاد تنشـد عـن ثراهـا مـن الــزود=فـي ديــرة غــر الـمـزون اتعبـدهـا
حتـى يكـبّـر مسـنـده راعــي الــذود=واهــل الشـديـد يثـبـت الله عـمـدهـا
وكـان انهـا جفـوه وحنـا لــك شـهـود=بذنوبنـا الـلـي مـانــداري عــددهــا
مـن للبساتيـن ان جـفـت كــل عنـقـود=ومـن للنخـيـل الـيـا تيـابـس شهـدهـا
ومـن للبكـار اللـي غـدت كنهـا الـعـود=واول عليهـا مـن الشحـم طــول يـدهـا
عليـك لجـات الخـلايـق مــن الـكـود=وانـت الكريـم ومــدة الخـيـر عـدهـا

التوقيع

التوقيع محمد الذيابـــي

[راعي الشوشلية]

صح اللسآن الشاعر الكبير / خالد الدعجاني على الدرر الثمينه

لآهنت أخي : محمد الذيابي على النقل الرائع

تقبل مروري

[عايض مثقاب الزراقي]

لا شك قي قدرات الشاعر الكبير شاعر الرسول > خالد العتيبي



ولا هنت أخوي
محمد الذيابي على النقل الاكثر

من رائع


تقبل تحياتي

[محمد الذيابـــي]

رعي الشوشليه


مشكور يالغالي

[محمد الذيابـــي]

شرفت متصفحي يا عايض


لا خلا ولا عدم

[قلب الرياض]

صح الله لسان شاعر الرسول

مير ليته ماشارك بشاعر المليون وش يبي بشاعر المليون

مستواه اكبر من هالبرامج الفاشله

[محمد الذيابـــي]

,,

لاهنت يالغالي.


,,,,,,

[قيس العازمي]

صح لسان الشاعر خالد محمد

والله يجيب المطر

ولاهنت على النقل المميزيالذيابي

تـــــــــقبـــــــــل مــــــروري

[محمد الذيابـــي]

..

لا هنت يالغالي.

,,,,,