يـامغيّــــرة المفــــاهيــم

[سعد بن مناحي بن شفلوت]

اجمل التحايا والتقدير

مصافحه

ابيات متواضعه اتمنى ان تنال الرضى


،، ،،، ،،

لأظلمت سود الليالي على زرق البحور=ماحسبت حسـاب ليلـى ولامجنونهـا
أحسب احساب الهبايب مضيّقة الصدور=والطروق اللي تغث الكبـود لحونهـا
خايف انها تثني الغصن واتطير الطيور=واتورّط في هقاوي العـرب وظنونهـا
والعواذل من بغوا منه ماهو بمعـذور=مايبونه مـن وراهـا ولامـن دونهـا
يامغيّرة المفاهيم فـي بعـض الامـور=ودّكـم ترضونهـا والاّ ماترضونهـا
قبل لايحرجكم الوقت والدنيـا تـدور=لاتـحـدّون المخالـيـق وتردّونـهـا
من قراله كلمة غامضه بين السطـور=لد عينه مـع خبـول ٍ تلـد عيونهـا
والاّ حنّا ماخبرنا حصل منّـا قصـور=اسمعوهـا واتركوهـا علـى يكونهـا
لاتحسبون الدقايق وتنسـون الشهـور=وان بقى للوقت قيمـه فـلا تنسونهـا
ولاتثيرون المشاعر بتجريح الشعـور=وتكبر الدعوى عليكم وهـي ياهونهـا
والنهايه كان تبغون من الاشوار شـور=الجمايـل قدّموهـا لاجـل تلقونـهـا

‘‘ ‘‘ ‘‘

[ذعير العالي]

بيض الله وجهك قصيده جزله من شاعر جزل والله لايهينك وتمنالك التوفيق

[غــانم الفضـلي]

صح لسانك يا بن شفلوت


رائع كما عهدناك


تحياتي وتقديري لك

[محمد الذيابـــي]

,’


صح لسان شاعرنا المبدع سعد


لاهنت يالغالي


وننتظر جديدك



,’

التوقيع

التوقيع محمد الذيابـــي

[عـقـــــــــــاب]

صح الله لسااااانكـ

[فيصل مطر]

من قراله كلمتن غامضه بين السطور=لدعينه مع خبولن تلد عيو نها

صـــــــــــــــــــــــح لســــــــــــانــكـ

وحياك الله يابن شفلوت ودام تواجدك يالذيب

تقبل مروري

التوقيع

صاحبي عوده ليان أليا ثنيته=مودمين كنه الداب يتلوى مودمين طول عمري ما لقيته=مالقيته في عيال آدم وحوى والجديل الي عليه الياء رميته=قام يسترسل طويله ويتطوى (فيصل مطر)

[أخو جوزا]

صح لســـــــــــــــــانك

[سعد المسـعودي]

أبن شفلوت

ياهلابك ... عدد مافز الخفوق وهلابك ..
لقد أسعدني تواجدك ....
متشرفون بمزاملتك هنا .. وبموقعك .. يابعد رأسي ...


أما الشـــعر ..

فهذا شيء مفروغ منه .. يابو مناحي ..
فبكل تأكيد ... سعد بن شفلوت ..
أحد ركائز وأقطبة الشعر بالساحة الشعبيه ..

... فلا أقول .. إلاّ الله إنه يبطي برأسك حي ياجزل ..


أحتراامي

التوقيع

[حمود بن خيشوم العصيمي]

صح لسانك سعد

ننتظر المزيد من الابداع

تحيتي

[سعد بن مناحي بن شفلوت]

ذعير العالي

ارحب تراحيب المطر

صح بدنك ولاهنت

شرفتني جعلك تسلم