مستور وحبيب (فتل ونقض)

[الكاايد]

حبيب العازمي
البرق يبرق وسيل البرق ماسال // وان كان ماسال سيله وش لزومه
مستور مرت عليه ايام واليال // يسبح مع الجو ويصور نجومه

مستور العصيمي
ياللي تخيل البروق الوقت ميال // علاك محسوب يوماً ماتصومه
حبيب العازمي وش قال وش قال // الليل نحى ولا اعطانا علومه

حبيب العازمي
خليتها يالعصيمي فال وعقال // عزي لنفسً من الخير محرومه
ماقلت غير الصحيح اللي على البال // من يشرب الجم والبير مهدومه

مستور العصيمي
اعرفك ياللي لويت حبال بحبال // ضويت لك ناس ماهي بمعزومه
البشت مايصلح الا فوق رجال // فالعلم مخدوم والقوم مخدومه

حبيب العازمي
نبا نجيكم سوا رجلي وخيال // ماهي بدايم حيومه ياحيومه
البشت والراي خله لابن هذال // الشعب محكوم والارض محكومه

مستور العصيمي
اللي معه حيلةً فالوقت يحتال // واللي يضيع سلوم الناس بومه
افطن لها ياعريب الجد والخال // وعلومنا لاتوصلها الحكومه

حبيب العازمي
الله خلق فالرجال اقصار وطوال // والمشكله فالخشونه والنعومه
نبا نرد السلف وريال بريال // ماني مدور سلومي في تنومه

مستور العصيمي
قامت تلف العلوم ايمين وشمال // الفقر خيم على دار مهدومه
لاخار في مرجله ماتستر الحال // لاحداً يدور لحاجات معدومه

حبيب العازمي
دامن ماصار فيها سوق فنجال // مانعرف اللي نلومه مانلومه
المرجله هالليالي مالها امثال // كلً تجر فالبلد حتى رخومه

مستور العصيمي
قام البحر يصطفق من جال في جال // وانته تحرا المسافر في قدومه
ياللي تسوق الجمل مع كل جمال //لاتصحي النيم وتفسر حلومه

[مهجرس]

محاورة قوية بين علمين بارزين

[حيــاّد]

الله الله

عمالقة

[ابو فايح]

طاروق من أبياته قوي

والله أعلم بمعناه


متى كان يالكايد


لاهنت وبيض الله وجهك

[حمود بن خيشوم العصيمي]

حبيب العازمي

نبا نرد السلف وريال بريال // ماني مدور سلومي في تنومه

مستور العصيمي

لاخار في مرجله ماتستر الحال // لاحداً يدور لحاجات معدومه



صح لسان ابو تركي وابو فيصل والبيتين بعاليه أعجبتني أنا من حيث الفتل والنقض

[العفريت]

بيض الله وجهك

ابداع ولا غرابه بين علمين من اعلام المحاورة


تحياتي

[محمد الذيابـــي]

لاهنت يالكايد على الطاروق

التوقيع

التوقيع محمد الذيابـــي

[ضيف الله العضياني]

اعجبني ابو تركي في هالطاورق في قمة عطاه

بدون قصور في حبيب