إثنين عتبان وإثنين أجناب ...!

[فهد علي العازمي]

صياف الحربي

جانا ببرنامـج حيـاة الباديـه شاعـر جديـد=يامرحبا باللي على درب الشرف سار اقدمـه
يالعازمي ليلن رمى بـك عندنـا ليلـن شديـد=لكن اظن الذيـب تـال الليـل يفتحلـك فمـه ***

حبيب العازمي

ماجاكـم الا خصمكـم والله يدبـر مايـريـد=واما القضا والحق يقضي فيه قاض المحكمـه
أنا حسبت حساب وقتي من قريب ومن بعيـد=واليا لقيت الذيب اسمي باسم ربـي وارجمـه ***

صــيــاف

حنـا رجـال ولا يخوفنـا كلامـك والوعيـد=ومن لايعرف العلـم بالعلـم الحديـث نعلمـه
تـراك لاذالحيـن ماعلمـت بالعلـم الأكيـد=اقلط على سبـع الخـلا يلزمـك ولا تلزمـه ***

حـبـيــب

انتـم رجـال وكـل رجـال يفيـد ويستفيـد=ماحدن يعلـم عالمـن يقـرا ويكتـب بقلمـه
ماخاف من سبع الخلا وانا معي سيفن حديـد=واللي يجي من تحت حد السيف الأبيض يقطعه

***
صــيــاف

ياكثر ماتجمع وتحسب مـار مـدري تصيـد=لاحضروا الكتاب طلع علمـك اللـي تزعمـه
ياكبر حظك لو حضرت العيد واليوم السعيـد=لكن حظك لو بنى لـك بيـت بكـره يهدمـه
***

حـبـيــب

انته تجاهلت الرسايل عقـب جاتـك فالبريـد=واليا دخلنا المعركـه مـن تقـدره لاترحمـه
ياكبر حظي وانت حظك قام ينقـص مايزيـد=واليا كحلت العين ابكحل نون عينـك والطمـه

[الشوردي]

المشاركة الأصلية كتبت بواسطة محمدالنفيلي الحربي

اخوي حنا نبي نقلب الموضوع من صياف ومطلق رحمة الله عليهم الى حبيب انا كنت اتكلم بهذا الموضوع مع الاخوان اخونا صاحب هذا الموضوع ذاكر ان صياف تلميذ لمطلق الثبيتي وتكلمنا في هذا المجال ولاساع الموضوع مابعد انتهى لكن أنا في طاري حبيت واعتقد أن الشخص العاقل جابها عن طريق مزح وانت اخذتها على وجهه القبول انت تقول أن حبيب تلميذ لثلاثه شعراء هم مطلق وصياف ومستور انا اقول لا ولاتعلم على يدهم حتى ولو حبيب جاملهم وقال هم معلمين لي أنا اقول انها مجامله من حبيب حبيب رجل محترم ويحترم الشعراء الذي اسبقوه + حبيت تمرس على لعب المحاوره مع شعراء صغار على مستوى القبيله اقصد قبيلة عتيبه وعند ماشاف في نفسه القدره على مقارعة الشعراء الكبار تقدم لساحه بدون اي مسانده منهم أول محاوره له مع صياف يقول صياف
في حياة الباديه جانا شاعر جديد = يامرحبا باللي على عز وشرف سار اقدمه
فرد حبيب
من ثاني بيت يبدي فيه القوه يقول من ضمن البيت
ماجاكم الا خصمكم والله يدبر مايريد المحاوره مانيب حافظها كامله لكن يقول صياف مابعد ماقال ماجاكم الا خصمكم
حنا رجال مايخوفنا التهدد والوعيد = اقلط على سبع الخلا يلزمك ولا تلزمه \
قال الحبيب
الى نزلنا المعركه من تقدره لاترحمه
الى أن صياف لا حضروا شعار طلع علمك الذي تزحمه
لم يرخي صياف مع حبيب بشي
ومحارته مع مستور اقوى واقوى
ولا مطلق ماسمعت له الا محاوره وحده مااقدر احكم عليها
واقول دخل وسطهم بشاعريته

بالنسبة لصياف الله يرحمه ويرحم اموات المسلمين هو ابخص بنفسه مني ومنك وكما نقل عنه الاخ سعد المقاطي قال:

المشاركة الأصلية كتبت بواسطة سعد بن مطلق المقاطي

صياف يقول بعظمة لسانه في بدايتي في المحاوره لافهم بعض المعاني وكان مطلق رحمه الله

يوضح لي وكنت استشيره واثق في رايه حتى تمكنت في المحاوره

وهذا يقوله صياف نقلا عن الاخ سعد مطلق المقاطي لاني لم اقرأ المجلة وانسب له كلام صياف وهذا يقطع الشك باليقين بدون مانتناقش وناخذ ونعطي

اما حبيب من الطبيعي ان يكون للشاعر محاورات مع شعراء غير معروفين ولكن مسألة دخوله مع الشعراء الكبار لابد ان يكون برضاهم


الشعراء المعروفين اليوم لم يتتلمذوا على يد احد وحوربوا حتى من الاقربين هم ثلاثة ( عبدالله بن شايق - وسفر الدغيلبي - عبدالله الميزاني ) وهؤلاء هم الذي مكثوا سنين تحت الحصار من قبل الشعراء المعروفين حتى جاءت المجلات والقنوات الفضائية وابرزتهم غصب وبدا الكبار يلعبون معهم وكانوا شعراء من الطراز الاول بسبب طول مدت ممارستهم للمحاورة

آخر تعديل الشوردي يوم 23-Jul-2011 في 04:17 AM.

[محمدالنفيلي الحربي]

المشاركة الأصلية كتبت بواسطة فهد علي العازمي

صياف الحربي

جانا ببرنامـج حيـاة الباديـه شاعـر جديـد=يامرحبا باللي على درب الشرف سار اقدمـه
يالعازمي ليلن رمى بـك عندنـا ليلـن شديـد=لكن اظن الذيـب تـال الليـل يفتحلـك فمـه ***

حبيب العازمي

ماجاكـم الا خصمكـم والله يدبـر مايـريـد=واما القضا والحق يقضي فيه قاض المحكمـه
أنا حسبت حساب وقتي من قريب ومن بعيـد=واليا لقيت الذيب اسمي باسم ربـي وارجمـه ***

صــيــاف

حنـا رجـال ولا يخوفنـا كلامـك والوعيـد=ومن لايعرف العلـم بالعلـم الحديـث نعلمـه
تـراك لاذالحيـن ماعلمـت بالعلـم الأكيـد=اقلط على سبـع الخـلا يلزمـك ولا تلزمـه ***

حـبـيــب

انتـم رجـال وكـل رجـال يفيـد ويستفيـد=ماحدن يعلـم عالمـن يقـرا ويكتـب بقلمـه
ماخاف من سبع الخلا وانا معي سيفن حديـد=واللي يجي من تحت حد السيف الأبيض يقطعه

***
صــيــاف

ياكثر ماتجمع وتحسب مـار مـدري تصيـد=لاحضروا الكتاب طلع علمـك اللـي تزعمـه
ياكبر حظك لو حضرت العيد واليوم السعيـد=لكن حظك لو بنى لـك بيـت بكـره يهدمـه
***

حـبـيــب

انته تجاهلت الرسايل عقـب جاتـك فالبريـد=واليا دخلنا المعركـه مـن تقـدره لاترحمـه
ياكبر حظي وانت حظك قام ينقـص مايزيـد=واليا كحلت العين ابكحل نون عينـك والطمـه

شكراً لك فهد على توريد هذه المحاور المحاوره هذه كنت تكلم عنها قبل شوي وكنت مضيعها
وهي اول محاوره له مع صياف رحمة الله حسب ماسمعت

[ابراهيم الحيسوني الحربي]

بعض السوالف للصحيح تخالف

لو كان صياف تلميذ لمطلق كان تجد اقل شي محاوره يكون فيها التفوق واضح لمطلق
لكن صياف ومطلق مافيه مثلهم ومستواهم واحد رغم ان العمر مختلف ويعلمون مايتعلمون
لاكن بالكلام والسوالف والراي المنفرد الكل متعلم منكم ولو بتقول مافيه شعار غيرنا مسموح




اقول مايرضون عقال عتيبه

[محمدالنفيلي الحربي]

يالربع حنا نتكلم عن الواقع الذي حنا نشوف اترك مجال الشعار لبعضهم صياف يجامل العقل تبي صياف يقول لم استفيد من مطلق شي انا ذكرت محاوره ولامنكم ياعتيبه الذي علق عليها كلكم تحاشونها والذي تبين لكم ماعليكم من المجملات

[الشوردي]

المشاركة الأصلية كتبت بواسطة محمدالنفيلي الحربي

يالربع حنا نتكلم عن الواقع الذي حنا نشوف اترك مجال الشعار لبعضهم صياف يجامل العقل تبي صياف يقول لم استفيد من مطلق شي انا ذكرت محاوره ولامنكم ياعتيبه الذي علق عليها كلكم تحاشونها والذي تبين لكم ماعليكم من المجملات

طيب يامحمد لوسلمان ان صياف قال هذا الكلام مجاملة وهو صاحب الشأن لماذا لاتنهج منهج صياف صاحب الشأن؟

الامر الاخر كونه متعلم على يد مطلق ولاغيره او ماتعلم على يد احد هذا لايغير من كونه صياف بن عواد احد كبار واعمدة شعر المحاورة في الجزيرة العربية


الامر الاخر هذه المحاورة التي تشير لها بانها اول محاورة بين الشاعرين على ماذا استندت انها اول محاورة وكيف عرفت؟

[محمدالنفيلي الحربي]

المشاركة الأصلية كتبت بواسطة الشوردي

طيب يامحمد لوسلمان ان صياف قال هذا الكلام مجاملة وهو صاحب الشأن لماذا لاتنهج منهج صياف صاحب الشأن؟

الامر الاخر كونه متعلم على يد مطلق ولاغيره او ماتعلم على يد احد هذا لايغير من كونه صياف بن عواد احد كبار واعمدة شعر المحاورة في الجزيرة العربية


الامر الاخر هذه المحاورة التي تشير لها بانها اول محاورة بين الشاعرين على ماذا استندت انها اول محاورة وكيف عرفت؟

لا يا اخوي انا ماجامل على حساب غيري لكن صياف يقدر يجامل على حسابه هو صاحب الشان بالنسبه للمحاوره المذكوه وتقول كيف عرفت انها أول محاوره لهم من اكثر من واحد ولا حتى خمسه ولو كتب لك اسماءهم تبي تعرفهم المهتمين بشعر المحاوره يعرفونها واذا عندك شك انها ماهي أول محاوره اعطني أول محاوره أنت وعطني الاسناد وأنا اتنازل عن كلامي ويمكن تجيب لي محاوره ادهى واقوى يمكن تجيب الذي يقول رحمة مطلق
الحربيي ينفض الحيه ويطوي في معمه = راغ قلبه من شليويح المطيري وزلامي

[الشوردي]

المشاركة الأصلية كتبت بواسطة محمدالنفيلي الحربي

لا يا اخوي انا ماجامل على حساب غيري لكن صياف يقدر يجامل على حسابه هو صاحب الشان بالنسبه للمحاوره المذكوه وتقول كيف عرفت انها أول محاوره لهم من اكثر من واحد ولا حتى خمسه ولو كتب لك اسماءهم تبي تعرفهم المهتمين بشعر المحاوره يعرفونها واذا عندك شك انها ماهي أول محاوره اعطني أول محاوره أنت وعطني الاسناد وأنا اتنازل عن كلامي ويمكن تجيب لي محاوره ادهى واقوى يمكن تجيب الذي يقول رحمة مطلق
الحربيي ينفض الحيه ويطوي في معمه = راغ قلبه من شليويح المطيري وزلامي

انت ماتجامل على حساب غيرك وصياف يجامل على حسابه هذي نقطة وخلصنا منها والحمدلله ولا له داعي نرجع لها مرة ثانية

النقطة الثانية انت جبت ابيات مطلق وصياف مكسرة وغير موزونه وجبتها لك بشكلها الصحيح نقلا من الانترنت لاني لا اعرقها وشككت فيها عندما انزلتها بشكلها غير الموزون وبحثت عنها ووجدتها بشكلها الصحيح وعندما اطلعت عليها وجدت صياف ومطلق يلعبون فيها بتفاهم بينهم مطلق يفتل وصياف ينقض دون الخروج عن مجال الفتل والنقض وكأنهم صاغوها سابقا وغنوها بين الصفوف وهذا دليل على انهم ليسوا جديدين على بعضهم ومتفاهمين بينهم وعارفين اساليب بعضهم في هذا الطاروق وهذا يوكد على انه ليس اول طاروق بينهم

آخر تعديل الشوردي يوم 23-Jul-2011 في 04:56 AM.

[محمدالنفيلي الحربي]

المشاركة الأصلية كتبت بواسطة الشوردي

انت ماتجامل على حساب غيرك وصياف يجامل على حسابه هذي نقطة وخلصنا منها والحمدلله ولا له داعي نرجع لها مرة ثانية

النقطة الثانية انت جبت ابيات مطلق وصياف مكسرة وغير موزونه وجبتها لك بشكلها الصحيح نقلا من الانترنت لاني لا اعرقها وشككت فيها عندما انزلتها بشكلها غير الموزون وبحثت عنها ووجدتها بشكلها الصحيح وعندما اطلعت عليها وجدت صياف ومطلق يلعبون فيها بتفاهم بينهم مطلق يفتل وصياف ينقض دون الخروج عن مجال الفتل والنقض وكأنهم صاغوها سابقا وغنوها بين الصفوف وهذا دليل على انهم ليسوا جديدين على بعضهم ومتفاهمين بينهم وعارفين اساليب بعضهم في هذا الطاروق وهذا يوكد على انه ليس اول طاروق بينهم

يلعبون في تفاهم وهذا يفتل ولاخر ينقض اخوي هذا ماهو دليل هم شعراء لابد تكون فيهم هذه الصفه الا عندك دليل غيره

[الشوردي]

المشاركة الأصلية كتبت بواسطة محمدالنفيلي الحربي

يلعبون في تفاهم وهذا يفتل ولاخر ينقض اخوي هذا ماهو دليل هم شعراء لابد تكون فيهم هذه الصفه الا عندك دليل غيره

هذا دليل يكفيني ويكفي كل مدرك ومتابع لهذا التراث فالشاعر عندما يقابل شاعر اخر لايعرفه تكون من نوع جس النبض من تحدي والاختبار الشعري والذكائي بصنع مقالب ومطبات