أبيات من الارشيف أتمنى أن ترقى لذائقتكم
يابنت انا حرمت أدردش على الشات=بيض الصحايف والقلم معك شاتي
أشرح لك علومي بمضمون الابيات=وأنتي تعرفين السبيل لنجاتي
ولاني بمجبورٍ على شرح مافات=الحاضر يلخص لك الفايتاتي
يابنت أنا لي مع هل الطيب وقفات =وياما خشعت لخالقي في صلاتي
وياما حملت الرايه وهنت رايات=لكن تضيع علومي مع البناتي
الحب سقمٍ ما صنع له علاجات=الاّ زلالٍ بين حمر الشفاتي
يابنت في قربك حياةٍ للاموات=وبعدك سنينٍ تنقضي من حياتي
أحدٍ يعيش سنين عمره مسرات=وأحدٍ يعاني من السهر مايباتي
وأنتي معي عدتي جميع الروايات=لي معك قصه ما رووها الرواتي
والناس ماتبكي على كل من مات=لكن يعرفون السبب فالوفاتي
وسلامتكم
آخر تعديل شاعر زمانه يوم 22-Feb-2011 في 05:38 PM.
« آخـــر الـــمـــشـــاركــــات »
22-Feb-2011, 05:31 PM
حرمت أدردش على الشات
العرض العادي
