الشاعر ورقان للأهميه

[خوي السعد]

هااستلم

تعال ياورقان تو الليل والمعنى بعيد = خلك معي فالرحله اللي نوهو لاقلاعها
مهما يدورن الليالي والخلايق تستفيد = بعض العرب ياصاحبي ياشين شين اطباعها

[ورقان]

اليا تقدمنا تقدمنا على الفال الرشيد=اهم شي الطايره نعرف هدف ميقاعها
حمض السوالف في الكلام الزين والعلم الجديد=ماهيب في انصاف العلوم الفاضيه وارباعها

[خوي السعد]

ياسلام ياسلام

اعرفك ورقان المسمى عن لزومك ماتحيد = مار الحكايه بينه لو ماكشفت قناعها
بعض الوجيه اللي علاها اللوم مخلفت الوعيد = متى نقابلهم بيوم (ن) ماحضر فراعها

[ورقان]

اليا ثبتنا في المدينه وش تمنى وش تريد=في سوقنا والسوق تجار العرب ماطاعها
ان كنت نار تشتعل للقوم قل هل من مزيد=وان كنت غيرالناس جاملها بعين وراعها

[جمال العضياني]

الله الله
صح لسانك ياخوي السعد......

وصح لسان ورقان الشاعر القادم للساحه بقوه وعنف...؟؟؟؟؟؟

واصلوووووو


متااااااااابع

[ورقان]

صح بدنك ياصديقي جمال


ولاعليك زود طال عمرك

[خوي السعد]

ورقان ياورقان ماكنت اعتقد قلبك بليد = عود معي فالسكه اللي ماعطيت اسناعها
سور المدينه دونه الابطال بالسيف الحديد =لكن مدري كيف مرر وعلها وضباعها

[ورقان]

ااطلع يامرزوق بمعرفك الحقيقي

وترى ردك وموضوعك محفوظ بالصوره

بانت البينه والدين دين الله

[خوي السعد]

واصل العب ياورقان والخطا فني انا العب من جهاز خويي باسمي
واسمه اكيد محفوظ مدري كيف لقمه الجهاز والدعوى سهاله
مافيه شي غريب .

[مرزوق حمدان العتيبي]

..

.

مع احترامي الشديد للمشرف اللي حذف الموضوع
استاذنه على اعادته
لن مافيه شي يستدعي الحذف ..

..


خوي السعد عادي وانا اخوكـــ الجهاز والمعرف وراعيه تحت تصرفك
..

والله يبارك في هالرد اللي خلا ورقان يطلع مافي قلبه ..
..


وصح لسانك ولسانه ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD