احدن ليا شفته

[ابن ركيبين]

احدن ليا شفته تحسه يريحك=وأحدن ليا شفته يعكر مزاجك
وألي يفكر لاهرج بس يجرحك=لاتحرق أعصابك ودور خراجك
ألي يدور فيك من شان يفضحك=إحذر لو إنه قال قصدي علاجك
كم واحدن مقسوم قربه يمالحك=يضحكلك بسنه وقصده إزعاجك
خف من قريبك لوبهرجه يمازحك=إعلن على كل القرايب هجاجك
إن ضاق والا بالرضا جا يصافحك=حذراك لاتحتاج من لا حتاجك
والا عدوك لوهو صدفه وينطحك=تصد عنه ولاااايهمه مداجك
لكن قريبك لويجيلك يسامحك=مايقتنع لو يقتنع بحتجاجك
إخذالحذر في جد والا تبجحك=إحذرقريبك قبل يضحك حجاجك
ماكل من جالك نصيحا" يناصحك=ولا كل من عاداك دور سماجك
قريبك إن أخطيت ماهوب دامحك=لوما تعمدت الخطا بإنتهاجك
بين المجالس لاهرج قام يشلحك=مير انتبه واقبس فتيلة إسراجك

اخوكم الشاعر : خالد غزاي الحبردي (ابن ركيبين )

[خالد مطلق الحبردي]

إعلن على كل القرايـب هجاجـك


مهوب كلهم يابو يزيد


وإن شاء الله ما نكون من اللي يعكرون المزاج

صح لسانك ياولد العم ,,,,,,,,,

آخر تعديل خالد مطلق الحبردي يوم 07-Jun-2010 في 02:15 PM.

[ابن ركيبين]

مانته بمنهم ولا نطريك بالسيه
عزيز غالي علينا ماتجي منهم

حضورك شرفني
اشكرك يابن العم

[@ـايل]

الله الله ..

صح لسانك واعتلى شانك يالحبردي رائعه بروعة قائلها


سجّل اعجابي

..

التوقيع

تويتر : AlHooL@

[ابن ركيبين]

المشاركة الأصلية كتبت بواسطة @ـايل

الله الله ..

صح لسانك واعتلى شانك يالحبردي رائعه بروعة قائلها


سجّل اعجابي

..

أشكر حضورك
وأسعدني مرورك

[ولدعساف]

صح لسانك يابو يزيد ..

قيده جميله من شاعر جميل ..

لآهنت ..

,,,

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ابن ركيبين]

من قال لا هان واشكرك على الحضور الرائع

[علي خيران العتيبي]

الله الله

لله درك على هالقصيده يالذيب

و صح لسانك لين ترضى

لا هنت

[ابن ركيبين]

ارضاني حضورك
وصح بدنك
لاهنت

[مشاري الحبردي]

صح لسانك ياخالد