الطارف الله يحييه

[عبدالله الفهد الاسعدي]

حياك ربي يالناضم

اسعد بحضور امثالك

[فهد علي العازمي]

الله يسترنا بستره وأنت رجلٍ فيك خير=مثلك ليا منه وقف ضد العداء واهانها
تلقى لها تال الليالي من يلف ويستدير=الذمة الذمة تراها فرقبة رعيانها

اسف على التاخير رحت اتعشى

آخر تعديل فهد علي العازمي يوم 01-May-2010 في 08:46 PM.

[عبدالله الفهد الاسعدي]

اكرب حزامك يابن عاصي والرحى لك تستدير = اما طحنت الحب قلنا لك عليك اوزانها
الجيل قدامه تحدي كيف تحديد المصير = يوم الشريعه تنتخي بالفارس الي صانها

[عبدالله الفهد الاسعدي]

لعل مهابيطه العوافي

[فهد علي العازمي]

لوهي على كربة حزامي كان قلت أمرٍ صغير=يبغى لها نارٍ يوصّل للسماء دخانها
الجيل ناعم مايبي غير البطاطس والعصير=والفارس اللي تنتخي به ظني إنه خانها

آخر تعديل فهد علي العازمي يوم 01-May-2010 في 09:15 PM.

[فهد علي العازمي]

خلووووووووها


صح لسانك ولا هنت وبيض الله وجهك على الطاروق وتشرفت بالعب معك
ولنا لقاء
بإذن الله

[عبدالله الفهد الاسعدي]

المسئلة ذمة وكل يتقي حر السعير = وبعض المطايا من جهلها يستدير ابطانها
كل وجهده والحمول الكايده حمل البعير = والباخره في ذمة القبطان مع ربانها

[عبدالله الفهد الاسعدي]

المشاركة الأصلية كتبت بواسطة ابن _عاصي

خلووووووووها


صح لسانك ولا هنت وبيض الله وجهك على الطاروق وتشرفت بالعب معك
ولنا لقاء
بإذن الله

صح بدنك وطاب معدنك

الله يشرف مقدارك ويرفع من شانك وشان جارك

كلي شرف باللعب مع امثالك

لنا لقاء بحول الله

تصبح على خير