اقرب شااعر ...

[ابو عاتق]

السلام عليكم ورحمة الله .

اتمناء ان يكون الجميع بخير وصحه وعاافيه

يا سلام الله عليكم يا الرجاال اهل الحميّـه = من هجوس ٍ ما تليّن ومن ضمير ٍ ما يلامـاا
يا جمااعة خير ابي لي شـااعر ٍ ماهو بليّـه = يسبح السبع البحور ويعرف المبدا تمااما

[راعي المراجل]

وعليكم السلام ورحمة الله وبركاته



استلم يا غالي

مرحبا يا شاعرٍ جانا و (فـ) النيات نيه = عدّ ما لاحت بروق الصيف في وسط الغماما
بين هرج الناس نوعينٍ وهي خيرٍ وسيّه=وانت قائد رحلة اليومه عسى فيها السلاما

[ابو عاتق]

استلم لاهنت

البقاء ياللي ترحب وانتبـه قبل المنيّـه = انتبه قبل المنيّـه عد من صلى وصاما
لا تخاف والا توصي ماني محتاج الوصيّـه = قايد القوات ولا ّ تقدر ترد ليّ كلامـاا

[أبو فيصل]

السلااااااام عليكم

صباح الخيــر للجميع

الله لايهينكم يابو عاتق انت وراعي المراجل

واصلوا مع هالصبحية المبروكة و حنا متابعينكم

تحياتي

التوقيع

لا إله إلا أنت سبحانك إني كنت من الظالمين

[راعي المراجل]

اييييييييييييييه

منت ربي ربي الله من شبيهك ما عليه=ما عليه من شبيهك لاني اعرفكم يتاما
دايمٍ نذبح على السكّه من الحيات حيّه= لا تكون الحيه اللي تصبح الليله عداما

[راعي المراجل]

حياك الله يا فهد




اليوم المحاوره غير





اول مره اشوف محاوره الصبح

[أبو فيصل]

هلا راعي المراجل

ايه أبو عاتق ماتخمّه الا مع الصبح

[ابو عاتق]

هلا فيك يا فهد الشيبااني

واستلم ياراع المراجل الله لا يهينك

ماعليّه منك يا سبع الجبل مدري حليّـه = وحدّه يم اليمن والثانيه شرق ٍ وشاما
سرّها يا صاحبي جتك السيوف النافعيه = وإن ذبحناكم حراما وإن تركناكم حراما

[راعي المراجل]

لا هنت

ودوك دوك

صايرٍ يا صحابي مع صبح ربي مثل عيّه=ما تغطيك الثياب ولا تزينك الهداما
اليدين القصر ما تاصل ولو كانت شقيّه=كل رجلٍ و(إ) له عند الناس مقدار ومقاما

[إدارة الموقع]

محاوره راقيه بكل المعايير
لاهنتم ياثنين ويسعد ربي هالصباح
اللي خلانا نشوف مثل هالمحراف الرائع .

التوقيع

لأي ملاحظة يمكنك ارسال بريد على العنوان التالي otaibah@otaibh.net