عيد العازمي
الصيد قاد وبندقي مضرابها عيـن ونحـر=ماني معلّقها وانا اشوف العشـا قدامهـا!!
يالعمده احذر لايشوش الراس ويطيش الفكر=الا ليـا رزّت عدانـا للنـزال اعلامهـا!!
العمدهـ
ذيب الغداري ما يصاد ولا على مثله خطر=والا الظبا يمكن تموت نفوسها واحلامهـا
بين اللحا واشنابها يا عيد يا وسع الصدر=والخوف كل الخوف يفتك بالظهور حزامها
عيد العازمي
قبل الهدف ياعمدة الروقه ليا اعطيت الامر=اثن الركب قدام لاتنقل صواب ايامها!!
سلك الحرير اللي يجرّه زيد لو خمّه عمر=كان الليال السود عمر يصير من خدامها!!
العمدهـ
العلم صره في بطينك والبعير اللي هـدر=يبا يكسر راس بقعاء الثايرة وعظامهـا
ما يقنع الانسان لين يذوق لوعات الدهر=كم نفس كافر من عذابه صرحت باسلامها
عيد العازمي
وراك من بعض العلوم اللي على بالي حذر!=اضحيت فالساحه قضيه ماتجف اقلامها!!
عندي عن اخبار الرسل واقوامها علم وخبر=صفحات فالتاريح بالعبره تهب انسامها!!
العمدهـ
الجاهل اللي قال ليل العيد يعرف من عصر=الله ولا الدشداشة اللي ما تبيـن اكمامهـا
لا تنشد اهل البل عن الافلام وعلوم الحضر=الحضر معها يا بعد راسي علوم افلامهـا
عيد العازمي
من لبس ثوب اطول منه ماعجل مطيحه فالحفر=واللي على هالشاكله ماجمّلتها اقدامها!!
اللي طمع ب/شداد ريمه مايقدّيه النظر=قدام يطمعها يجوّد خشمها بخطامها!!
العمدهـ
ام اليتامي اللي بزورقهـا تصيـد فالبحـر=لو يصطفق موج البحر سالت دموع ايتامها
من فك عمره منتحر قدامه الموت الحمـر=لا يحسبنه يفرق السومه لو انـه سامهـا
عيد العازمي
ياجايب الاخبار عنها من هشيم المحتضر=ماصادت الاصيد قبل امس وتطق ابهامها!!
الهند شعبٍ منتهي عبّادة اوثان وبقر=لاشافت ارضٍ خاليه جاتك تشيل اصنامها!!
العمدهـ
على جرير من الفرزدق طلت ياليل السهـر=ما للخشوم اللي يزيد اعرامها الا اكرامهـا
اللي تحت ضغط الزلازل والصواعق والمطر=معذور لو هذرى وضيع يامها من شامهـا
« آخـــر الـــمـــشـــاركــــات »
27-Mar-2010, 11:00 AM
العرض العادي
