نايف ابن ملحق الثعلي=
ياسعود العصيمي ياكبيـر القـوم=ليت بعض السوالـف ماتطريهـا
مار شرهه عتيبه عند ابن خيشوم=من يجيب العلوم ومـن يوديهـا
سعوود العصيمي=
ياسعود العصيمي ماعليك ثلـوم=لو بعض العرب كثرت دعاويها.
يابن ملحق بعد ماجيت هات علوم= كلنا ناخـذ الدعـوى ونعطيهـا
نايف ابن ملحق الثعلي=
يالعصيمي ترى مافيه حب خشوم=لو بعض العرب تنفخ علابيهـا
لاتزيد المشاكل والهموم همـوم=اخر الوقت اظنك رايحـن فيها
سعوود العصيمي=
ماحسبنا حساب الطير ابو زلقوم=لاوردنـا نوردهـا ونرويهـا.
مالكم عندنا الاسيفنا المسمـوم=كان مانته على السيسان بانيها
.
نايف ابن ملحق الثعلي=
اثر بعض الرجال من الوفاء محروم=والعلـوم الثميـنـه مايدانيـهـا
سيفك اللي تقولة خابـره مثلـوم=مار ابا اجرح جروحك ثم اداويهـا
سعوود العصيمي=
كان تبغى الحقيقه مامعك مطعووم=مارفعت الك روس ولانت مرخيها.
انت مغير تجمعهـا فرنـج وروم=ليت حاضر علومك مثل ماضيها.
نايف ابن ملحق الثعلي=
من يسب الرجال وذمها مذمـوم=وانت بعض السوالف وين مغديها
يالعصيمي ترى ما انته بويا النوم=صيدت الوقت نطبخها ونشويهـا
سعوود العصيمي=
نعرف اللي يبيع ويشتري ويسوم=وانت تكحل عيونك لين تعميهـا.
يابن ملحق بوسط البحر كيف تعوم=وانت رجلٍ على راسك تضويهـا
نايف ابن ملحق الثعلي=
ياهل وادي جليل بعيركم ماسوم=لو يشيل الحمول ولو يوطيهـا
السوالف كثيرة والطيور تحوم=يالعتيبي جميع الناس توحيهـا
سعوود العصيمي=
من تعرض بدربه صلحه مفروم=صاحب الرايه البيضاء وحاميها.
لقمتك يابن ملحق سدت البلعوم=بعدماكلتـهـا وراك ترميـهـا
نايف ابن ملحق الثعلي=
انتبة لاتقول ان امس مثل اليوم=كل ناسً تعزوى من عزاويهـا
العرب تعرف الظالم من المظلوم=وام وجهيـن والله مانزكيـهـا
سعوود العصيمي=
كاسبين الغنايـم مالحقهـم لـوم=فعلها يابن ملحق مـن يمانيهـا.
شوفت العين رؤريا ماتصير حلوم=اعترف بالحقيقه لاجـل امشيهـا
نايف ابن ملحق الثعلي=
. مابغيناك تبدي سـرك المكتـوم=ياحليـل اللحـون الـي تغنيهـا
بعد ماطحت يارجال كيـف تقـوم=وانت راس المشاكل وانت راعيها
سعوود العصيمي=
انت تفطر صباح وفالظلام تصوم=ويش سر القضيـه يامسويهـا.
اشقر الريش مايشبه طيور البوم=لاتناطح صقورٍ مانـت قاويهـا.
« آخـــر الـــمـــشـــاركــــات »
21-May-2009, 11:20 PM
العرض العادي
