لا ضاق صدرك وانتقـدت العلاقـة ... أكفخ بجنحانك علـى مـد الأفـاق

[حمود غنام المرزوقي]

لا ضاق صدرك وانتقـدت العلاقـة = أكفخ بجنحانك على مد الأفاق
ممشاك في جو(ن) وسيع(ن) نطاقه = أخير من تبع المقفي ليـا ضـاق
لا تلتفـت يـم العلـوم الدقـاقـة = انهج ترى عز الفتى حسن الأخلاق
خلك على وضح النقا للرفاقـة = وخلك على المعروف والطيب سباق
كم واحد(ن) يمشي على عظم ساقه = يسوق نفسه سوق من غير سواق
وكم واحد(ن) كنه صويب الإعاقـة = لو كان رجلينه سليمـات وسباق
الله ولا ود(ن) علـى غيـر فاقة = لا غثرب الماء أتركه بألف طقـاق
أخير من طرد الخطـا بالحماقـة = ترى الحماقة والخطا دربها شـاق
وترى الخطا لا حل في الصدر عاقة = وترى الحياة أخلاق وأطباع وأذواق
الطيـب يبقـى للنشامـا مشـاقة = والا الردى يحرق حسناتك إحـراق
ان كان ما خذت الجزيلة عشاقــة = تحدك الأيام مـع ضيـق الأنفـاق
لا عفت مما شفت ما هي شفاقــة = لابد للحييـن مـن مـوت وفـراق
من لاحمى قافيٍه قطـــاع ساقـه = مير البلا كان البلا جـاك من عــاق
في ظاهره كنه حميم الصـــداقة = وفي داخله يفتح علـى عيوبك رواق
أصبر ولو الظـلم مر(ن) ومذاقــه = ما قدمك الا لفت الساق بالساق
يا هيه ما كل(ن) يجيد الســواقـه = سواقة الأفكار لألتم الأشفاق
إذا أدلهم الليل وأقفت أشفاقـة = وسواده أقبل والصبح ماله إشراق
أخيـر مـن راع المشاكـل فراقـه = والله بيـديـه السعادة والأرزاق

حمود غنام المرزوقي

[خلف القثامي]

لا تلتفـت يـم العلـوم الدقـاقـة
انهج ترى عز الفتى حسن الأخلاق
خلك على وضـح النقـا للرفاقـة
وخلك على المعروف والطيب سباق



صح لسانك ع الابيات الجزله والحكمه الشعريه




ولاعدمنا حضورك الرائع

[معلا إبراهيم الأسعدي]

حمود غنام المرزوقي



بيض الله وجهك على هااا الرائعه فعلا ً استمتعت في الادالجميل

سجل اعجابي

التوقيع

[كامل الذوق]

كم واحد(ن) يمشي على عظم ساقه
يسوق نفسه سوق من غير سواق
وكم واحد(ن) كنه صويب الإعاقـة
لو كان رجلينه سليمـات وسبـاق


ياسلام يا سلام

وبيض الله وجهك وصح لسانك ياحمود

[فهد النفيعي]

صح لسانك .

وكفو..

شاعر جزل...

اتمنى لكــ التوفيق ....

[حمود غنام المرزوقي]

المشاركة الأصلية كتبت بواسطة خلف القثامي

لا تلتفـت يـم العلـوم الدقـاقـة
انهج ترى عز الفتى حسن الأخلاق
خلك على وضـح النقـا للرفاقـة
وخلك على المعروف والطيب سباق



صح لسانك ع الابيات الجزله والحكمه الشعريه




ولاعدمنا حضورك الرائع

صح بدنك ودام وجودك

أخوي: خلف القثامي


تحياتي الله لايهينك

[ولد ذايب]

أخير مـن راع المشاكـل فراقـه
والله بيديـه السـعـادة والأرزاق



صح لساااااااااااااااااااااااااااااااااااااااااااااانك








.

[أبو نجر النفيعي]

..

الله عليك يا حمود ..

صح لسانك يالغالي .. مبدع ..

وفي انتظار جديدك بشغف ..!!



أخوك

التوقيع

.....

[فيصل المسعودي]

قصيدة

جمعت بين الجزالة والحكمة

صح لسانك يالبقمي

وفي انتظار جديدك يالغالي

تحياتي

أخوك

فيصل النفيعي

[حمود غنام المرزوقي]

المشاركة الأصلية كتبت بواسطة شامان الاسعدي

حمود غنام المرزوقي



بيض الله وجهك على هااا الرائعه فعلا ً استمتعت في الادالجميل

سجل اعجابي

مرحبا فيك أخوي شامان الاسعدي

الله يعطيك الصحة والعافية على

الحضور المميز .... تحياتي وتقديري