المغايرة

[فـارس عتيبه]

والله ونعم بالمغايره . تاريخهم يرفع الرااااس


ولا قصور فيهم وباقي قبايل عتيبه



بس وأنا أخوك منيفه وش جابها للمغايره ؟؟


.

[سعد المغيري]

شكرا يا أخ فارس على الرد ولكن منيفه اللي انا اقصده هي منيفة المغايرة الموجوده في محافظة الدوادمي في وادي الرشا وهي لذوي نور من الشهلة من المغايرة

[الهيـ(صبي)ـلا]

المشاركة الأصلية كتبت بواسطة دريد ابن الصمه

لي طلب بسيط من الاخوان الذين لديهم معرفة بقصيدة معجب بن فرج المغيري اللي يقول منها شريف يا مطلق حبال المحابيس يتكرم ويتحفنا بها لانها تعتبر من نوادر شعر القبيله

يا ويل والله يالعواجي مـن الويـل=محدن يطلعلي مـن الحـق جابـه
ياونتـي ونيتهـا تـالـي اللـيـل=في سـد حبسـاً مغلقاتـن ضبابـه
شريف يا مطلق حبـال المحابيـل=اشكي عليكم يـا عريـب النسابـه
عساك ما ترضى على الناس بالميل=الحكم للـي فـوق الامـه حجابـه
يا راكب اللي ماولـوه الجماميـل=كن انهذاب الذيب الامطـا انهذابـه
يسرح من الزيدي ليا خـوا الليـل=وشريق ما بين الكهـف والخرابـه
والدرب عندك بين بسيان وكحيـل=وعطـا المنقـا بيـن ٍ لا تهـابـه
وأنسف على يسراك سمر الاقاذيل=وعط الحوا وايمن شعيب القصابـه
وملفاك ربعي مقديميـن المفاعيـل=هـدام للجـمـع يــوم انكبـابـه
ملفاك زايد خالـط البـن والهيـل=ذبـاح حيـلاً فـي ليـال اشتبابـه
وانغطرفن درهـم الزمـل بالشيـل=ضاري ٍ بطرح متيـهٍ فـي شبابـه
وملفاك اخو عيده ليـا ردن الشيـل=مرقابنا إن دقـت سيـول الشعابـه
وإن نطلو عند القضـاه المعاديـل=كن السهوم الـوارده فـي جوابـه
وملفاك اخو رثعا محيل الحلاحيـل=زبن الدخيـل ليـا فعـل والتوابـه
وعندك ذوي فيصل زحول الرياجيل=سقم الحريب اللي براسه صعابـه
قله تراني جـاري ٍ لـي غرابيـل=والله رمابي في غصـون النشابـه

[دريد ابن الصمه]

اخوي الفاضل----الهيـ(صبي)ـلا
بعد السلام عليكم ورحمته وبركاته لك مني اجل الاحترام والشكر بعد الله على تجاوبكم وتلبية طلبي دمتم بخير

[الخان]

ونعم والله في المغايره


ويعطيك الف عافيه سعد

نسيت فرسان كثيره والي اعرفهم بن قشعان..وسيمل بن فاضي.. اخو عيده

ومشكور وما قصرت يا الغلا

[عريب المجنى]

الأخ سعد المغيري
مشكور ولي بعض الملاحظات

عندما تطرق مثل هذه المواضيع ينبغي أن تتناول القبيلة
من عدة جوانب فلدي بعض النقاط أتمنى أن تأخذها في الحسبان عند الكتابة حول قبيلة معينة
*منازلهم لم توردها كاملة وعدودهم ولم تشير إلى ما تتميز به هذه القبيلة عن غيرها في مسألة المنزل حيث
ان هذه الفبيلة دائما تنزل بالجهة المقابلة للقوم ويقول الشاعر مويسان بن وجب المغيري
في كل يوم توال القوم منزلنا
ويقول الشاعر ربعي منازلهم بهاك الليالي
دايم توال القوم ليا طقت اطناب
*فرسانهم في السابق وشعارهم وعوارفهم
وشكرا جزيلا يا اخ سعد وتقبل تحياتي

[الخليدي القثامي]

والله ونعم بالمغايرة

[ند السيف]

السلام عليكم ورحمة لله وبركاته هذه قصيده اقدمها لكم ( وهي في الفارس والشيخ اوسيمر ابن اشهيل )

من الشاعر عبدالمجيد بن فيحان بن راجح المغيري


اسأل وسيع المعرفه ذرب الأيماني 00000 000 قله من اللي قطع شول الدياحيني

وقل من ذبح شيخن يسمونه غريباني 0000 000 عمي اخو عيده صعوط المجانيني

اوسيمر اللي نسف روس شجعاني 0000 000 قرمن لحاله يقسم الجمع جمعيني

وجدي يهابونه القاصي مع الداني 0000 000 من فعله الي يبهج الصدر والعيني

وعمي ابو غازي له ماقفن ثاني 0000 000 يوم انقسام القوم كتله وثنتيني

رد الغزو من حرب في وقت الأخوني 0000 000 هذاك ابن فاضي زعيم المسميني

اخوان عيده لهم فالوقت برهاني 0000 000 من روس قومن ينطحون المعاديني

[ند السيف]

المشاركة الأصلية كتبت بواسطة ند السيف

السلام عليكم ورحمة لله وبركاته هذه [size=9]قصيده اقدمها لكم ( وهي في الفارس والشيخ اوسيمر ابن اشهيل )

من الشاعر عبدالمجيد بن فيحان بن راجح المغيري


اسأل وسيع المعرفه ذرب الأيماني 00000 000 قله من اللي قطع شول الدياحيني

وقل من ذبح شيخن يسمونه غريباني 0000 000 عمي اخو عيده صعوط المجانيني

اوسيمر اللي نسف روس شجعاني 0000 000 قرمن لحاله يقسم الجمع جمعيني

وجدي يهابونه القاصي مع الداني 0000 000 من فعله الي يبهج الصدر والعيني

وعمي ابو غازي له ماقفن ثاني 0000 000 يوم انقسام القوم كتله وثنتيني

رد الغزو من حرب في وقت الأخوني 0000 000 هذاك ابن فاضي زعيم المسميني

اخوان عيده لهم فالوقت برهاني 0000 000 من روس قومن ينطحون المعاديني

والسلام عليكم[/size]

آخر تعديل ند السيف يوم 21-Sep-2008 في 05:32 AM.

[دريد ابن الصمه]

اخوي الهيـ(صبي)ـلا
السلام عليكم ورحمة الله وبركاته وبعد
انا طماع والكرماء امثالكم نطمع في كرمهم ولي طلب بسيط وهو

من المقصود با اخو رثعاء

في قيصدة معجب ارجو الاجابه منك اومن اي عضو لديه معلومة موثقه وصحيحه وتقبلو احترامي