ولا شعرها من على ردفها تاج .. !

[فيصل الثبيتي]

السلااام عليكم .. مساء الشعر

متواضعة .. تحت اذواقكم

اللي خذتني بالدلع والتغنّاج=لبّا غلاها .. يوم تنثر غلاها
مانيب لا شاعر ولانيب محتاج=يكفيني اني مرتكي في حشاها
خشّت على قلبي ولا فيه مخراج=يوم ادخلت قلبي قفلته معاها
حب ٍ خلق فالناس تسعين هرّاج=ما بين حسّاد العرب واخوياها
تصافقت من شانها زرق الامواج=والارض جتها هزة ٍ في ضحاها
يوم اشرقت شمسين قم حج يا حاج=ما يندرى وشهو يجي من وراها
يمكن تعيش الناس من تحت الابراج=ويمكن تبقي من غداها عشاها
ويمكن تسوي فلسفة فن الازعاج=ويمكن هالاسهم يرتفع مستواها
ويمكن تهجد الحرب في قوم حَجّاج=ويمكن تشب النار فاللي بغاها
بنت ٍ خلقها اللي له الناس حِجّاج=سبحان منهو كل زين ٍ عطاها
خدودها مع فمّها فتحة ادراج=خزنة ملك ما كل واحد لقاها
ألماس جنب ألماس في خط منعاج=داير على حلو الشهد من حلاها
والعين خلف معسكر ٍ فيه الافواج=تضرب تحيّه كل ما اومت علاها
ولا شعرها .. من على ردفها تاج=تاج الملوك اللي تومّن حماها
لبّا حلاها .. كلّها طب وعلاج=تحفه .. وكل الناس صارت تباها
وصفتها وانا على الوصف سجّاج=ولا شربت الا من الجم ماها
نسج الخيال اللي كما ورد هدّاج=اربع بيوت ٍ بين شوف وعماها
اليا سكنت فالحفر والا فالافلاج=والا بديرة .. ما يبرّد هواها
شعشع لها نور ٍ بلا ضو وسراج=من عند رب ٍ ما عطانا سواها
لبّا غلاها والدلع والتغنّاج=يوم الدلع والغنج .. لبّا غلاها

وسلامة من يقرا ...

آخر تعديل فيصل الثبيتي يوم 13-Aug-2007 في 02:26 AM.

[السميــــــري]

وانت سالم وانت سالم ..

صح لسانك .. يامبدع ..
أبداع يتدفق يالثبيتي ..

الله يعطيك العافية .. عليهاا ..

لاهنت ..

[مخلف الهقاوي]

ابداع ابداع يافيصل

سلمك الله..وصح لسانك

جزاله غير مستغربه

[*النجـــــم*]

ماشاء الله

قصيدة عذبة متعوب عليها

صح لسانك ونتطلع لإبداعاتك القادمة

تحيـــــــــــــــــــــــــــــــــــــــــــــــ ـــــــــاتي,,,,,,,,

[حاتم العطاوي]

ماشاء الله

قصيدة عذبة متعوب عليها

صح لسانك

تحيـــاتي لك

[فارس الباديه]

	خدودها مـع فمّهـا فتحـة ادراج خزنة ملك ما كـل واحـد لقاهـا ألماس جنب ألماس في خط منعاج داير على حلو الشهد مـن حلاهـا

	الله الله يا فيصل جزله جزله وانتقيت هالبيتين اللي فعلا قمه وابداع وصح لسانك وفعلا تستحق الثناء جزله من بيت اهل الشعر ... وبيض الله وجهك وانتظر جديدك بتشفق .. ويعلم الله اني مابالغ او أُطري بالفعل انت مدرسه للشعر ودمتم .. اخوك :: فارس الباديه::

[الذيبان]

الله الله يافيصل والله ماقول اله صح اللسانك وفالــــــــــــــك الــــــمليـــــــــون

[الذيبان]

هههههههههه جزاك الله الف خير

[فارس الباديه]

	يالثبيتي ابطلب منك طلب ولا تردني نبي قصيدتك الجايه تكون قصيدة (رد اعتبار ) حتى لو كانت من قصايدك الجاهزه لك مني ارقى تحية ود يالغالي

[فيصل الثبيتي]

السميري

صح الله بدنك .. ولحضورك جمالية

من نوع فريد ...

شكرا ً لك على اطرائك .. وردتي

فيصل