_-_ الـنـــايـــفـــة_-_

[نايف العبيد العتيبي]

( بسم الله الرحمن الرحيم )


السلام عليكم ورحمة الله وبركاته ... اما بعد !

/

اتشرف بان، أغرس هذه السامقة الباسقة بينكم

وهي مجرد حشرجات الثكالى وأهزوجة الاستبداد !!

نتاج أكسدة الوقت بعدما افقت واستفقت

/

فعندما يلفحنا سموم الدهر تتساقط الحروف والابجديات

من افواهنا رطباً جنياّ !!

لا أُريد الإطالة عليكم أيه النبلاء وادعكم معها في خلوة


((( النـَـايـــفــة )))

قلبي من فراق الحبيبه تأذّى=كنّه بالامواس الشطيرة يهذّى
من دمّه الحظ الطفيلي تغذّى=من عقبها لاني بحيٍ ولاميت
كن قلبي يلذع لاذكرته بكهرب=كن تلدغة بين المحاديب عقرب
حتى أصبحت روحي من الموت أقرب=صوب النعش سارت حياتي ترانزيت
مابال أقواماً تمنىّ فنائي=اسعى لإرضاها وترجو عنائي
لو أنكر المأمون فضل الكسائي=الحر مايصغي لهرج الكتاكيت
شعري كما الجرم السماوي تقسطل=ينداش من يوحي حروفي ويسطل
رذاذه الخلاّب كنّه نفس طل=يبحر بك لدنيا القصص والحواديت
في شعري زلزلت البروج الثماني=واخمدت نار السادن الموبذاني
تذن ملوك الجن في وسط آذاني=تحوفني مابين مارد وعفريت
رمدٍ تزاوغني بحمر النواظر=بشاع الوجيه سحم الصور والمناظر
مالوم لوترثي حياتي تماظر=اللي مثل حالي حياته تناهيت
ورثت كنوز الشعر عن أبٍ وجد=وبنيت قصورٍ من دمقس الزبرجد
جوسق من الياقوت والدر تعسجد=وهدّيت أوثانٍ شيّدوها سرابيت
يالله طلبتك يامدمدم هل الفيل=ياداحر الأشرم بطيرٍ أبابيل
إفرج لمضهودٍ حياته بهاذيل=وقته نقع له كاس حنضل وحلتيت
يامنجيٍ ذى النون من غبّة النون=ياباعث الإسباط وموسى وهارون
يامنزل الفرقان وإمنزّلٍ نون=إنت الرجاء يامسندي لاترجيت
تحقرّص الحاقد ومني تبقرص=كنّه من الفعفاع أبو ناب يقرص
يقوم ويقعد كن غاشيه نقرص=أنا اللي شتت الصعاليك تشتيت
ينصت لقولي كل أديبٍ ويصغي=إبداع شعري من عذوقي ونصغي
إليا حويت الكاغد بعظم رصغي=يحتار لافظ إبن لاحظ وحبريت
أنا جريح الجادل العيطل الترف=حالف ماخط من قبل اشوفه ولاحرف
من يوم ماقّفت ولابان له إرف=نوم الكرى من موق عيني شفاليت
من زمهرير البرد عظمي تحّقف=كن الحشا معبد بطارق واسقف
عزّين لوقلبي بعدها توّقف=قبلي آباد الحب روميو وجوليت
الحظ قاطع درب مثل النميري=ياماخلط لي السم وسط العبيري
واصبحت من كثر التجارب خبيري=يخلط لي الذرنوح في كوز شربيت
شربت من كوز اهل بربر وبابل=وجاريت بحروفي عزيف البلابل
تميل من بهرج حروفي سنابل=ميلة غجر حزّة سحر بالحوانيت
سلام ياعذب اللمى والمحيّا=تعال طب وسط المحاني وهيّا
أبك السعيد اللي بظلّك تفيّا=أمّه دعت له يوم طافت على البيت
تعالو وقوّني من الموت لاموت=في نون عينه شفت قبرٍ وتابوت
وباطراف رمشه سحر هاروت وماروت=عانو ضحايا رمشها بالتوابيت
من الورع أبي لي طاس ومنسف وأبي درع=من قبل يصرعني شبيه المها صرع
هافي حشا والخوخ مايل على فرع=نواّرتينه زامياتٍ منابيت
ياويل حالي من طعون الآقارب=تجريحهم عكّر علي المشارب
ظلم الآقارب مثل سم العقارب=عانيت من قسوة زماني وملّيت
العاذل الآفاك للقلب علّه=من زود جوره زوّد الطين بلّه
مايهتني كنّه على فوح ملّه=الين ميشتّت مرامي تشاتيت
أخ ياحمد لو الله يسّخر الرخ=آباصل اللي أوقعاً داخل الفخ
أفخت روحي من تجافيه والمخ=ماانساه والله ياحمد لو تناسيت
ابشتكي لك ياعميلي همومي=لنّك نديمي ياسليل القرومي
لايابعد هيسٍ ربّوة رخومي=كل همّه الموضة ولبس الإتيكيت
كلّه سبايب ياحمد لابس الجوخ=أنعم من الديباج واطرى من الخوخ
لاناسخينه لا ولاهو بمنسوخ=مستفردٍ بالزين منه إستجنيت
عليه وجدي ياحمد وإشتياقي=له إنقباضي ياحمد وإنفهاقي
منه إنشراحي ياحمد وإنطلاقي=لولاه ماجبت البوادي وعسيّت
قلبي عقب فرقاه نازف ومرثوم=أكثر منامي يافتى الجود جاثوم
أجوب نجدٍ مثل عمرو ابن كلثوم=غضنفرٍ نقوة ليوثٍ عناتيت
كما الجمل مايلتفت للبراغيث=دحرتهم مثل مهاليل إبن شيث
إمصّفد اشباح الفلاة المغاثيث=اللي بنا اسوار بابل وتكريت
واختامها صلّو على ليّن العرك=منجي شرور الناس من أسفل الدرك
إمنزّهٍ عن زيغ هرج الدنامرك=محمد اللي نور خدّه كما الليت

دمتم بوارف الألق !!

[الــوآفــي]

نايف


صح لسانك على هالمعلقه ممهما قلت لا اوفيها حقها


اخوك

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[عمرالروقي]

صح لسانك
يالنايف العتيبي
0000000000000000
كلمات
جميله
شامله
لم تترك شاردة ولا وارده
الا وشملتها بالتفصيل
البهي
كبهاء الغموض
المكتسيه به
000000000000

[أبو نجر النفيعي]

.. ..



العتيبي نايف

قمّةً بالإبداع وجمال المنطق

وجزاله ..

وقصيده رائعه بلاشك

وصح السانك يا نايف

وننتظر منك الجديد



اخوووووووووك..

.. ..

.

التوقيع

.....

[ذيب السبايا]

لاهنت يالعتيبي نايف

[نايف العبيد العتيبي]

ذيبان

/

يعلم الله ان مرورك وحضورك شرف يالغالي

لك جل شكري وجل تقديري

لاهنت يالامير

دمت بود

[نايف العبيد العتيبي]

عمر الروقي
/
ياااااااااه كلي فخر وشرف بمصافحتك
ايه الباسق الشاهق

ولك شكري وتقديري

دمت بود

[خلف بن مرزوق]

...
..

للحجز ولي عوووووودة ياستاااذ

التوقيع

اهداء لاعضاء وزوار الهيلا 777 77 7 ديوان الشاعرالعملاق / رشيد الزلامي ديوان الشاعر الكبير / حبيّب العازمي al3azmi@w.cn

[السميــــــري]

..

العتيبي نايــــف ..
جزله وابيات لايعلى عليهاا ..
سلم فكرك ولسانك .. .. مبدع وابدااع منك لايستغرب ..

قصيده يعجز الثناء ان يعطيهاا حقهاا ..
..

[نايف العبيد العتيبي]

ابو نجر النفيعي
/
هنا تعجز قواميسي على مجارات حروفك يالامير

لك كل الشكر والتقدير على حضورك المميز

دمت بود