عيـــد بن حطاب .. قصيدة مدح في الحفاة

[أبن حشيان]

اهداء للشيخ طويق بن مقعد بن طويق

يا طويق يا ابن طويق قالتكم على ماضي الجدود=من يوم ابن مروي و يوم التوم عمر بيتها
و التوم ثبت خطوته في يوم عز ابن سعود=غازي و جا بعده ولد غطا الشيوخ و صيتها
و لا عمرها ضاعت ذهيب ان جا الولد من راس عود=و حاول و شمر و احتزم و تعيش لا رديتها
واصل و حط العود ياابن طويق في عين الحسود=و انت على بالك علوم تبين لو خفيتها
و المرجله عز و كرم و الجود يثبت لك وجود=و انت العلوم الطيبة في سبرتك سويتها
لا قام حضك ساعده و البيت يبنى بالعمود=و سمعتك بانت بالسما بعد العطايا اعطيتها
و الناس ما تمدح بخيل و لا يسود بها الحقود=و الساعة تدور و يفوق من عرف توقيتها
الله عطاك المال لين الناس راحو لك وفود=الناس تضعن للحيا و السيل يحيي ميتها
و لولا كذا قعدت مع ناسن يقال لهم قعود=و انت على عز و شرف فوق النجوم ارقيتها
و انا جذبني عيلمن صدره يخالفه الورود=و وردت يا عد الروى صبحت ما مسيتها
و باختصر لك مطلبي جيبن ليا جيت النفود=امشي و انا مرتاح مااهوجس ليا مريتها
قل تم لا ينقال لي رميك خطا يا ابو سعود=و يقول حساد حاسد يالردي بغيتها و اخطيتها
و لا ينشكى الا للرجال اللي يحلون العقود=و انا الرجال الواطيه و الله ما عمري جيتها
و يا لاد حافي فعلكم معروف ما يبغى شهود=و قصيدة اليابس يشوش الراس لاغنيتها
في مثل يومن نطاق تاريخه مثل عاد و ثمود=تسولف بها شيباننا و من البعيد اوحيتها
و يوم الحميمة و الملح صوته مثل صوت الرعود=و من يومها السور انكسر و يلوم نفسه ليتها
نزل شداده ما غزى لينه تريح في اللحود=وقعاتهم و فعولهم لو تنحصى ما احصيتها
و مجلاكم مع الحارثي و عتابه تلم الجرود=الا اخو هملا وقفته بالغير ما ساويتها
قال الحفاه تعود لعتيبه قبل قدح الزنود=شقر العصا و كسر العصا فتنه و انا طفيتها
و يا لاد حافي كلكم و الله ما فيكم شرود=الحافي الموت الحمر و النار من كبريتها
و الناس كلن فيه خير اللي نقص و اللي يزود=عند القدر مالك مفر تجيك لو ما جيتها
و صلو على سيد البشر و اللعنه لكل اليهود=يعود صهيون البشر و يهود ما سميتها

للشـــاعر عيـــد بن حطاب العضياني

آخر تعديل أبن حشيان يوم 25-Dec-2011 في 12:56 AM.

[محمد الذيابـــي]

يستاااااهل طويق


وابن حطاب ماقصر,,,

التوقيع

التوقيع محمد الذيابـــي

[أبن حشيان]

ابو عساف


يسعد جميع اوقاتك واسعدني مرورك


تحياتي لك

[عايض جزاء العصيمي]

صح لسان عيد بن حطاب
وطويق يستاهل

مشكور

[الهباع الرووقي]

اخوي ابن حشيان لاهنت على النقل

[أبن حشيان]

المشاركة الأصلية كتبت بواسطة عايض جزاء العصيمي

صح لسان عيد بن حطاب وطويق يستاهل مشكور

عايض جزاء العصيمي


صح لسانك مشكور على مرورك يالغالي


تحياتي لك

[أبن حشيان]

المشاركة الأصلية كتبت بواسطة الهباع الرووقي

اخوي ابن حشيان لاهنت على النقل

الهباع الروقي


الله لايهينك تسلم على المرور

تحياتي لك

[العــــــــابر]

صح لسانه وسلمت يمينك يالذيب

واللي عنده قصيدة عيد ابن حطاب البارح ليته يجيبها لنا

التوقيع

سبحان الله وبحمده سبحان الله العظيم سبحان والحمدلله ولااله الا الله والله اكبر ولاحول ولاقوة الا بالله

[ابن ركيبين]

صح الله لسان شاعرنا الكبير عيد بن حطاب

[أبن حشيان]

المشاركة الأصلية كتبت بواسطة العــــــــابر

صح لسانه وسلمت يمينك يالذيب

واللي عنده قصيدة عيد ابن حطاب البارح ليته يجيبها لنا

العــــــابر


صح بنك يالغالي الله لايهينك


اسعدني مرورك كل السعاده