محمد الربيقي وسلطان الهاجري " ولغز ابن مكتوم "

[أحمد المويعزي]

السلام عليكم..


مساء الخير..

طاروق من حفل قبيلة الوسده..

الطاروق كتابي وفيديو..

محمد الربيقي:
رجال الطيب ناخذ من تجاربها عبر وعلوم=وانا بقدم الماجوب للي يستحقونه
يابن وسام لاصار السماء كله مطر وغيوم=يمر الذيب قدام الشواوي ما يشوفونه

سلطان الهاجري:
يدور الوقت يامحمد عسى كل الحظوظ تقوم=وابو غليون ما عمرك من جمره وغليونه
هبايبها تصافق يامحمد والطيور تحوم=وفيه طيور مضبوطه وفيه طيور مجنونه

محمد الربيقي:
يقولون الرجال إن الحضوض تقوم يوم ويوم=وانا اقول الامانه في يد العريف مامونه
ثلاث سنين يكتب بالصحافه لغز ابن مكتوم=وابن وسام عين"ن"من وراه وعين من دونه

سلطان الهاجري:
لقيت الحي يبكي فوق قبر الميت المرحوم=يحفر القبر بيدينه ودمعه برد عيونه
ابن مكتوم لغزه لغز ومختم بعشر ختوم=احله واتحدى حرب وعتيبه يحلونه

محمد الربيقي:
ترى المرتاح من قضى حياته في صلاه وصوم=ولاله بالعرب ياصعب ذاك وذاك ياهونه
انا ما اقول فيك قصور تاخذ حقك المقسوم =ولكن الرجال اللي يخبرونه يعدونه

سلطان الهاجري:
عليك الله وامان الله لاتزعل ياعدو القوم=يابو خشم"ن"سوات السيف والحجان مقرونه

[محمد الذيابـــي]

صحة السنتهم جميعاً


لاهنت يالمويعزي,,,,

التوقيع

التوقيع محمد الذيابـــي

[الشخص العاقل]

قاف ولااروع وانشهدن كنق بن ربيق ولايهون بن وسام



صح تصويرك يااحمد وشكرا لك

[فتى البطين]

المعنى على ابن الذيب

والله العالم

[مهجرس]

محاورة قوية بين عمالقة الشعر

و نتمنى تحليل المعنى

و صح لسان الشعراء و مشكور اخوي احمد المويعزي

[عزوز النفيعي]

الربيقي راح يكون له مكان متقدم بين شعار المحاوره

[برنس العتيبي]

مشكور ع نقل المحاوره واعتقد انهو ليس المقصود لغز ابن مكتوم ؟؟؟؟؟؟؟؟؟؟

[محمد عبدالله الحربي]

والله اعتقد المعنى بعيد عن لغز ابن مكتوم وعن ابن الذيب ايضا واترك المجال للمختصين هنا


والله يرعاكم




تحيتي وتقديري