محاورة جرت ما بين أخوكم سعد المسعودي
( الحرالأشقر )
والشاعر المعروف : حمد الدليهي الملقب بـ (أختصار) ...
..
///////////////////////////////////////////////////////////////////////////////
///////////////////////////////////////////////////////////////////////////////
الحر الأشقر
جيت حر وللمعاني مهتـوي=ولاتجود غير في الحبل القوي
بهلواني جيت وين البهلـوي= والأماكن كلها مشتاقـه لـك
وين أنت ياللي للمعاني تغنيت=والقاف صاخن والمعاني جديده
كم واحدٍ فنجال بنـه تقهويـت=وكل على ماقيل رأيه سديـده
أختصار
جيت حر ومرحبابـك مرحبـا=عد من يمشي على الارض وحبا
ويهبـا مـن لايقـدرك يهـبـا= والأماكن كلها مشتاقـه لـك
جيتك وانا حاضر على ماتمنيـت=طقه علـى طقـه تفـك الحديـده
شاعرويفتل ياولـد ينقـظ البيـت=واسمي على الساحه وعبر الجريده
الحرالأشقر
ياأختصار أنت الضحيه ياأختصار=قبل ماجاوبـك قلّـي باأختصـار
جابك الله مـن عمـارك للدمـار= والأماكن كلها مشتاقه لك
وين أنت يوم أني على الناس مريت=وأشعلت في رأس الفتيـل الوقيـده
كم مرةٍ في النصح جيتك وعييـت=ياعل مايبقـاء لكـم مـن شريـده
اختصار
النصيحه يابدو عنـد البـدو=أمتساوي خيرها مثل العـدو
ماهدو لكن .. من عقبك هدو= والأماكن كلها مشتاقه لك
سويت قبلك مير ماكـن سويـت=اسعيد متلوي بِطـارف سعيـده
بعض القرابه مع بعضهم عفاريت=واليوم في دربك ثلاثيـن حيـده
الحرالأشقر
أشكو ياما وضع صاحبنا خطير=مايعرف نصاب سيفه والجفير
وأبك أنا بحرتلاطـم ياغديـر=والأماكن كلها مشتاقه لك
كم هقوة ٍ تقصر عن اللـي تهقويـت=والعلـم مافـاد العـقـول البلـيـده
أسمك سعيد إن رحت بسعيد وإن جيت=ماجبت لـي ياسعيـد جملـه مفيـده
أختصار
اشكوياما درابـك وش تقـول=حط حط اللغز في جنب الحلول
والجمل شقران ضامته الحمول= والأماكن كلها مشتاقـه لـك
اصبحت وإلا في مواويلك أمسيت=ياليت جنبت العرب والقصيـده
الأتفاق اللي عليه أمس وصيـت=وينه عسى كل العواقب حميـده
الحرالأشقر
مانداين دين أخذها كـاش كـاش=ماورى رووس الضباء والله عراش
مار لـك بيتيـن صممهـا فـلاش= والأماكن كلها مشتاقـه لـك
الفرض يكمل وآخره حجة البيت=ولأحدٍ كشف سر الخفاء في عبيده
ياللي تسمى بالفعل ويش ضويت=دم الفصيلـه ترجمـوه لوريـده
أختصار
بيني وبينك روايه يامـا كـان=والعشر ياالحر .. ماترجع ثمان
قالوا إن الحقب لامس البطـان=والأماكن كلهـا مشتاقـه لـك
البهبهاني عارفه وارد كويـت=حتى الجميحي ماجهلنا رصيده
الحي يرزق..والبلا جثة الميت=اللي قبل صنعاء وغربي رفيده
الحرالأشقر
لادرج حبل الرشاء فوق المحال=الجواب يرد من قـد السـؤال
هوحـرام دمكـم .. ولاحـلال=والأماكن كلهـا مشتاقـه لـك
ياواطي الجمر الحمر ماتوقيـت=واللي غرق في البحر قالو شهيده
ياللي بنيت البيت وشلون هديت=والساس شيّد بالركون الجويـده
أختصار
الثلاث اسنين عدن وانت جار=والحرار تموت ياحر الحرار
والعمامه فوق راسك من نهار=والأماكن كلها مشتاقـه لـك
خفيتها عن جملة الناس خفيـت=حتى تجي قصه فريـده فريـده
مادامت الدنيا لعامـر ولابخيـت=ليت الصعيدي باقي(ن)في صعيده
|
« آخـــر الـــمـــشـــاركــــات »
18-Sep-2011, 10:28 AM
محاوره شعريه .. بيني والشاعر المعروف : حمد الدليهي (موال الأماكن)
العرض العادي
