لو الجبل رجال لاشافنا ذاب..

[عيضه الثبيتي]

قصيدة تشرفت بإلقاها في إحتفالية زواج أبناء الشيخ/منصور بن عبود الثبيتي

الشاب /راضي بن منصور والشاب سفر بن منصور

يوم الاربعاء الموافق25/12/1430هـ

مافيه عن دعوة هل الطيب مجناب=بالخص لا جت من رفيق ٍ موالي
نرمي مشاغلنا الكثيرة ورى الباب=ونلغي مواعيد ٍ عراضٍ طوالي
تقدير/وإجلال لبني عمّ وأصحاب=أحضر واشارك مع كرام السبالي
وأن دق هاجوسي من الشعر هنداب=أنظم بيوت الشعر ممّا طرالي
واليا طلبتوني من الشعر ما طاب=ما أطيب من الشعر بزحول الرجالي
ومدحة هل الطآله عريبين الأنساب=أهل الكرم والجود في كل حالي
جيران وأخوان وبني عم وأقراب=كسّابة الناموس فأول وتالي
الآد راضي موفية كل طلاّب=أتشيل ما شالت ظهور الجمالي
أهل هلا ومقدّمة كل ترحاب=والضيف يقلط عندهم فالعلالي
فوق الشحم والطيب والجمر شبّاب=والكيف الأشقر من حلوق الدلالي
أهل وفاء وسلوم وعلوم وآداب=وأعد مايملي علي المجالي
عقب السنه شهرين قانون وحساب=سنّوه للعتبان هاك الليالي
ومشوا على ماقالوا الناس الأجناب=حيث الطلب غالي وراعيه غالي
دخيلهم لو هي على قطع الأرقاب=مايشتكي حتى الصبا والعوالي
واليا حصل فزعه وميقاف غصّاب=صفوفهم ترسي سواة الجبالي
من عزوة ٍ لاقيل منهم ؟للأعراب=أتقول (حرف الثاء) تحل السؤالي!!
الاد ثابت قبل عتبه وعتّاب=مرجع عتيبه محتمين التوالي
قادة عرب وقضاه حلاّلة أنشاب=وأهل النسب والشجره أم الظلالي
و وقت الفعول أن كشّر الناب للناب=قولوا لمن هو رامهم هملالي
لو الجبل رجّال لا شافنا ذاب!!=ولو البحر يدري بنا صار حالي!!
عدونا نسقيه سمً من الداب=وخوينا يشرب قراحً زلالي
أمدح بني عمّي واللي حق الأعجاب=ومن لامدح ربعه عسى مايلالي
وأكبر فخر لثبيت حاضر وغياب=أنه ربى معهم حميد الخصالي
وصلّى الله وسلّم على زاك الانساب=معّرب الجدّ وعريب الخوالي

م

ح

ب

ك

م

عيضه الثبيتي

التوقيع

البارحه كان اللقاء مابينا كله حلو=احلا من السكر وكلّك يابعد عمري حلا!! من يوم ماقلتي ياروحي يابعد عمري:(الو)=وأنا بخير وعافيه قدام لا اقلّك :(هلا) للتواصـــ عيضه الثبيتي ــــل ezah_6@hotmail.com (ديواني) http://www.otaibah.net/m/showthread....131#post925131

[نوآف الغنامي]

صح والله لسااااااااانكـــ


وسبعييين نعـــم بثبيت كاافه



وبيض الله وجهكــــ



ابدعت و لآ هو غريب عليك


ونننظر جديدكــــــــ

التوقيع

تدرون ويش اكبر فخر بعد الاسلآم !! = ان النبي (طه) خواله عتيبه خــــيال الصفـــــرا سابقاً

[فهيد مقعد الرويس]

صح لسانك يابوفيصل

ونعم فيك وفي عيال منصور

والله يوفقهم

تقبل اطيب تحيه

[محمد عويض الثبيتي]

صح لسانك أ\ عيضة الثبيتي


كفو و بييض الله وجهك

أكبر فخر للقبيلة وجودك .............طال عمرك

[وصل الشهيب]

ابو فيصل

أبدعت

صح لسانك وبيض الله وجهك

وربعنا يستاهلون

تحياتي

التوقيع

ماعالج الجرح الكبير إلا صدور أمراً كبير=الأمر سامي واصبح كحيلان بولايه عهد حراً يموت وحر بالجنحان ينهض بالمطير=حمل الأمانه لو ثقيله قدها يابو فهد وصل بن وصل الله الثبيتي

[عناد الشيباني]

صح الساااااانك

وكفو والله

لاهنت

[نايف المغيبي]

اللهم صلي على محمد

واقول ياعيضه ابدعت بما تعنيه كلمة الابداع وبيض الله وجهك

[جلوي المليّن العصيمي]

الغالي عيضه الثبيتي

صح لسانك و قصيدة تستحق الأعجاب

مدحت فأجدت .

[سعد حميد الثبيتي]

ابدعت ياشاعر ثبيت وخليفة مطلق لله درك على هذه القصيده تقبل تقديري واعجابي

[نواف الشيباني]

اللهم صلي وسلم على نبينا محمد

وصح لسااانك وبيض الله وجهك

لاهنت