الهيـــــــــــــلا   *** منتدى قبيلة عتيبة

الهيـــــــــــــلا *** منتدى قبيلة عتيبة (http://www.otaibah.net/m/index.php)
-   قصائد الأعضاء (http://www.otaibah.net/m/forumdisplay.php?f=10)
-   -   لو الجبل رجال لاشافنا ذاب.. (http://www.otaibah.net/m/showthread.php?t=119346)

عيضه الثبيتي 03-Dec-2010 05:14 PM

لو الجبل رجال لاشافنا ذاب..
 
قصيدة تشرفت بإلقاها في إحتفالية زواج أبناء الشيخ/منصور بن عبود الثبيتي

الشاب /راضي بن منصور والشاب سفر بن منصور

يوم الاربعاء الموافق25/12/1430هـ



مافيه عن دعوة هل الطيب مجناب=بالخص لا جت من رفيق ٍ موالي
نرمي مشاغلنا الكثيرة ورى الباب=ونلغي مواعيد ٍ عراضٍ طوالي
تقدير/وإجلال لبني عمّ وأصحاب=أحضر واشارك مع كرام السبالي
وأن دق هاجوسي من الشعر هنداب=أنظم بيوت الشعر ممّا طرالي
واليا طلبتوني من الشعر ما طاب=ما أطيب من الشعر بزحول الرجالي
ومدحة هل الطآله عريبين الأنساب=أهل الكرم والجود في كل حالي
جيران وأخوان وبني عم وأقراب=كسّابة الناموس فأول وتالي
الآد راضي موفية كل طلاّب=أتشيل ما شالت ظهور الجمالي
أهل هلا ومقدّمة كل ترحاب=والضيف يقلط عندهم فالعلالي
فوق الشحم والطيب والجمر شبّاب=والكيف الأشقر من حلوق الدلالي
أهل وفاء وسلوم وعلوم وآداب=وأعد مايملي علي المجالي
عقب السنه شهرين قانون وحساب=سنّوه للعتبان هاك الليالي
ومشوا على ماقالوا الناس الأجناب=حيث الطلب غالي وراعيه غالي
دخيلهم لو هي على قطع الأرقاب=مايشتكي حتى الصبا والعوالي
واليا حصل فزعه وميقاف غصّاب=صفوفهم ترسي سواة الجبالي
من عزوة ٍ لاقيل منهم ؟للأعراب=أتقول (حرف الثاء) تحل السؤالي!!
الاد ثابت قبل عتبه وعتّاب=مرجع عتيبه محتمين التوالي
قادة عرب وقضاه حلاّلة أنشاب=وأهل النسب والشجره أم الظلالي
و وقت الفعول أن كشّر الناب للناب=قولوا لمن هو رامهم هملالي
لو الجبل رجّال لا شافنا ذاب!!=ولو البحر يدري بنا صار حالي!!
عدونا نسقيه سمً من الداب=وخوينا يشرب قراحً زلالي
أمدح بني عمّي واللي حق الأعجاب=ومن لامدح ربعه عسى مايلالي
وأكبر فخر لثبيت حاضر وغياب=أنه ربى معهم حميد الخصالي
وصلّى الله وسلّم على زاك الانساب=معّرب الجدّ وعريب الخوالي





م

ح

ب

ك

م

عيضه الثبيتي

نوآف الغنامي 03-Dec-2010 05:22 PM

صح والله لسااااااااانكـــ


وسبعييين نعـــم بثبيت كاافه



وبيض الله وجهكــــ



ابدعت و لآ هو غريب عليك


ونننظر جديدكــــــــ

فهيد مقعد الرويس 03-Dec-2010 05:26 PM

صح لسانك يابوفيصل

ونعم فيك وفي عيال منصور

والله يوفقهم

تقبل اطيب تحيه

محمد عويض الثبيتي 03-Dec-2010 06:09 PM

صح لسانك أ\ عيضة الثبيتي


كفو و بييض الله وجهك

أكبر فخر للقبيلة وجودك .............طال عمرك

وصل الشهيب 03-Dec-2010 06:37 PM

ابو فيصل

أبدعت

صح لسانك وبيض الله وجهك

وربعنا يستاهلون

تحياتي

عناد الشيباني 03-Dec-2010 08:05 PM

صح الساااااانك

وكفو والله

لاهنت

نايف المغيبي 03-Dec-2010 08:12 PM

اللهم صلي على محمد

واقول ياعيضه ابدعت بما تعنيه كلمة الابداع وبيض الله وجهك

جلوي المليّن العصيمي 03-Dec-2010 08:40 PM



الغالي عيضه الثبيتي

صح لسانك و قصيدة تستحق الأعجاب

مدحت فأجدت .

سعد حميد الثبيتي 03-Dec-2010 08:54 PM

ابدعت ياشاعر ثبيت وخليفة مطلق لله درك على هذه القصيده تقبل تقديري واعجابي

نواف الشيباني 03-Dec-2010 09:09 PM

اللهم صلي وسلم على نبينا محمد

وصح لسااانك وبيض الله وجهك

لاهنت


الساعة الآن »10:30 AM.

 Arabization iraq chooses life
Powered by vBulletin® Version 3.8.2
.Copyright ©2000 - 2025, Jelsoft Enterprises Ltd