قصيدة للشاعر مطلق بن هادي الحبردي في السنونية شيوخ قبيلة الحبردية , ادعكم مع القصيدة :

[poem=font="arial,6,black,bold,normal" bkcolor="white" bkimage="" border="none,4,gray" type=0 line=0 align=center use=ex num="0,black"]

البارحة نـومـــــي كوابيس وازعـــــــــــــــاج =وأصبحت من كثر الكوابيس مـــــــــــــرتاع

جتني هواجيس على كثر الأمــــــــــــــــــواج =كني طــــــــــريح أفراش من كثرالأوجــــاع

النوم عندي صار غفوة وسوهـــــــــــــــــــاج =وصرت أشتكي من قلة النوم وصـــــــــــداع

واربعي اللي راحوا أفراد وأفـــــــــــــــــواج =أحدٍ رحل وأحدٍ على الدرب نجّـــــــــــــــاع

فحول الرجال مزبّنة كــــــــــل محــــــتــــاج =منهم عليثة شيخ قومه بالأجمــــــــــــــــــــاع

أبو سنون اللي كــــــــــمــــا عين هـــــــــدّاج =سمح الجناب اللي على الطيب بـتـــّــــــــــاع

وان جاه جاهــــل مـــاشيٍ درب منــــــــــعاج =يصبر على الجاهل ولاهوب جـــــــــــــزاع

عليه قلبي صايبه هــــــمّ وخـــــــــــــــــــلاج =وربعه بعد فقده مغاليل ووجـــــــــــــــــــاع

ليته معانا يبدي الـــــــراي وعـــــــــــــــــلاج =ليا صار مشكل بين الأخصـــــــــــام ونزاع

من دون ربعه صايرٍ درع وســــــــــــــــــياج =عوق الخصيم اللي على الخصــــم طــــّماع

فيه الوفاء والصدق ماهوب هـــــــــــــــــراج =دين وكرم وأخلاق للـــــــشـــــــر مـــــــنّاع

والطيب له مسـلك ومـــــــبدأ ومنــــــــــــهاج =ليا جاء نهارٍ فـــيــه شــــــــــــــاري وبـيـاع

حكيم يعرف مدخـلــــه قــــــــــبل مخــــــراج =خصم الخصيم اللـــي ترك درب الأســــناع

وان حل ذكره يرفع الـــــرأس واحـــجــــــاج =ويا حظ من جاء له على الأمر فـــــــــــزاع

ما صـــــــك بابه دون ربـــعــــــــــــه بمزلاج =وبيبان قصره للمســــــايير شـــــــــــــرّاع

يذبح سمان الحشو للضــــــــــــــيف ونعــــاج =ويجود بالموجــــــود والـــجــــــــاه وذراع

مبداه في ممشاه نبراس وســـــــــــــــــــــراج =للي يــبــــي ممشاه في كــــــــــل الأوضاع

إليا نهض يشفيك ماهـــــــــوب دلــــــــــــباج =واللي يعادونه يعضون الأصــــــــــــــــــباع

ومن الوقار أخذ على راســـــــــــــه الــــتاج =عزيز قومٍ ذكرهم بالمـــــــــــلاء شـــــــــاع

مرحوم ياشيخٍ عــــن الطيب ما مـــــــــــــاج =هومات أبو بندر كبيرات وأوســـــــــــــــاع

يالله بدّل ساعة العـســـــــــر بإفـــــــــــــراج =واجبر عزاء اللي صبرهم بالفضاء ضـــاع

والحزن فيهم كبر أبانات وســــــــــــــــــواج =وعليه قلبي بين الأضـــــــــــــــــلاع يـنلاع

ويبقى لنا بندر يجي مثل بهّــــــــــــــــــــــاج =يرفع عمود البـيت للــــــناس وأشـــــــــراع

وصلوا على من خصه الله بمعـــــــــــــــراج =شفيع الأمــــــــه يوم شافـــــــــع وشفــّــــاع [/poem]




والسلام عليكم ورحمة الله وبركاته ,,,,,,,,

إضافة رد

الله الله وصح لسان قايلها وناقلها ويستاهل الممدووووووووووووووح

إضافة رد

صح بدنك ولاهنت

إضافة رد

شكرا لك يا مشاري على كتابة قصيدة والدي


وطبعا شهادتي في شعر أبي مجروحة

إضافة رد

ياهلا ومسهلا يا ابو مطلق

و ولي اشرف طال عمرك

إضافة رد

خالد انت وابوك ونعم ولكم قدر عالي في صدورنا
لاهنت على النقل

إضافة رد

ولاهنت يابوسنون

إضافة رد

ونعم والله ياعتيبه وتستاهلون الطيب ..


لاهنت على النقل الرائع

تحيتي
..

إضافة رد

ولاانت يامشرفنا الغالي

إضافة رد