((مــــات الـــهـــوى)) عبدالله بن نايف بن عون

[فيصل المسعودي]

قصيدة للشاعرالكبير/

عبدالله بن نايف بن عون الرويس

مات الهوى

يابوخلف مات الهوى عقب مـا كـان=حيـا ً يغـذنـه لـيـال المرابـيـع
إلى مال عربان ٍ على أطراف عربان=وباطرافهم جـاء للطـوارف تناشيـع
وليا حصل عقـب المرابيـع مقطـان=وتقاطـروا فـوق الركايـا المفاريـع
ليا قطبت عد ٍ مـن الريـف طربـان=سمر البيـوت اللـي تسـد الترابيـع
يحـف شرقيـه خوالـد و مطـران=وحرب يحفونه مـن الغـرب وسبيـع
ويرده من المظما دواسـر و عتبـان=و مـن كـل بـد ٍ للوسايـم تناويـع
بدايـد ٍ معهـا شقـا كـل ولهـان=خمص المثانـي لابسـات الدراريـع
بنات بدو ٍ حوزهـن حـوز غـزلان=نهـب القلـوب مخيبـات الطماميـع
ومن كان في قلبه للأشـواق ميـدان=يلقـا مجـال ٍ يشتـري فيـه ويبيـع
ليا عرضت شقر ٍ كما مطرق البـان=تلفـح جدايلهـا هبـوب الذعـاذيـع
مادونها حاجـز حوامـي و جـدران=هيبات أهلهـا عـن حماهـا موانيـع
والحب تأثيره علـى القلـب سلطـان=جايـر ولا راعيـه للعـذل بمطيـع
وأول مداخيله علـى قلـب الأنسـان=تجـاذب النظـرات بيـن الموالـيـع
سرايـر ٍ يعـرف لغاهـا بالأعيـان=تفتـح مشاريـع ٍ و تلغـي مشاريـع
بين الثنين اللي لهـم بالهـوى شـان=ماهـم بخاليـن العقـول القراقـيـع
وليـا لقـا بقلـوب الأثنيـن مسكـان=وثقله تـوزع بيـن الأثنيـن توزيـع
سيطر و كبرت قيمتـه عنـد الأثنـان=مادام سره ما عبـث بـه و لا ذيـع
وأول غرابيله إلـى مـن الأضعـان=راحت قسوم وكل ناس ٍ عطت ريـع
وتفاختو من عقـب ماهـم بجيـران=ليا شيـف للنجـم الجنوبـي تلاميـع
ونياتهـم راحـت مـن العـد شتـان=وكل ٍ علـى فالـه يـذب المخاويـع
ومن كان مشطون ٍ مع البدو بشطـان=أمسـى علـى قلبـه حدادالمراقيـع
وأصبح يعدي في نبـا كـل مزبـان=جسمـه معافـا و الضمائرمواجيـع
دور ٍ لحقتـوه أنــت و يادبـيّـان=ومن عذبه الصافي خذيتـو قراطيـع
يـوم إن لونـه ماتغيـر ولاشــان=ولا خربـوه مخربيـن المواضـيـع
عشق ٍ على وضح النقا مالـه أثمـان=مطامـع ٍ عليـا وعـفـه وترفـيـع
واليوم يوم النـاس هانـوه و إنهـان=وتكانفـوه أهـل العتـل والفواريـع
ناس ٍ يحسبون الهوى لعـب ورعـان=دايم علـى أرقـام الهواتـف مدانيـع
عشق ٍ ظهرله تالي الوقـت فرسـان=مرخين أعنـت خيلهـم والمصاريـع
خلـوه للـي جايـه اليـوم نشطـان=وده يقـوع لـه مـن القـاع تقويـع

منقوول

[أبونواف]

صح لسان الشاعر عبدالله بن عون

ولاهنت يافيصل على

نقل هذه الرائع ..

[ابن صنهوت]

صح السان ابو نايف جزل ولا يقول الا جزل


لاهنت يا فيصل شكرا على الانتقاء

[ولدعساف]

صح لسان الشاعر عبدالله بن عون

ولاهنت يافيصل

التوقيع

قال أبوبكر الصديق - رضي الله عنه - ( الموت أهون مما بعده، و أشدّ مما قبله ) حسبي الله ونعم الوكيل كتبت وقد أيقنت يوم كتابتي .. بأن يدي تفنى ويبقى كتابها فإن كتبت خيراً ستجزى بمثله .. وإن كتبت شرا عليها حسابها

[ريف الركايب]

هذي عادةابونايف راعي الجزلات دايم ماتسمع له الا القصيد الجزل ................ لاهنت يافيصل وبيض الله وجهك

[ابن نميان]

,

الله , يابو قــلبٍ خضــر , لاهنت على النقل الراااااائق يارااايق

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[عبدالله الجـــذع]

وأول غرابيله إلـى مـن الأضعـان
راحت قسوم وكل ناس ٍ عطت ريـع
وتفاختو من عقب ماهـم بجيـران
ليا شيف للنجـم الجنوبـي تلاميـع


امنت بالله

والله انك تقول طاعني بخوصه

صح لسان العلم

ولاهنت يابو منيف على الذوق المذهل

محبك

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[@ـايل]

صح لسان الشاعر / عبدالله بن عون..

ولاهنت يابو منيف على النقل الموفق..

...

[فهد النفيعي]

صح لسان الشاعر / عبدالله بن عون..

ولاهنت يابو منيف على النقل الموفق..

...

[سلطان طلحة]

صح لسان

بن عون

اخوي

مشكور

على النقل

لاهنت