بسم الله الرحمن الرحيم
يشرفني مجاراة الشاعر الكبير بندر بن محيا على قصيدته
حميا بني عمي
من هاجس اللي حط للشعر منـزال=وعــلا مقـامـه فـــوق نـجــم الـثـريـا
شعـرٍ يعـز ارجـال ويطمـن ارجــال=ولا عــز غـيـر أهــل الـوفـاء والحمـيـا
ربـعٍ لهـم فالوقـت بصمـات وأفـعـال=وإلـهــم صعـيـبـات الـمـنـاوي تـهـيــا
عتيـبـه الهـيـلا مـداغـيـش الابـطــال=سقـم العـدا ريــف الضـيـوف اللفـيـا
أهل الرمـك وإن صـاح للخيـل خيـال=والارض تعـرف وطـي خيـل المحـيـا
وأهـل المحـازم يــوم للـنـار شـعـال=وجـــهٍ لـوجــه ولا انـحـنــو للـقـفـيـا
أفعالهـم وأخبارهـم مـضـرب أمـثـال=نـبـع الـوفــاءوالـطـيـب مـالــه نـهـيـا
وابـن محيـا طـيـب الصـيـت والـفـال=مـواقـفــه تــــرو الـكـبــود الـظـمـيـا
من دون وجهه يرخص الحال والمال=هـــداج تـيـمـا يـــروي الـــورد ريــــا
وخالـد عريـب الجـد والـعـم والـخـال=كــم واحــدٍ فــي ظــل ركـنـه تـفـيـا
يوفـي وعـده ولابخـس كـل مكـيـال=ولا أخــذ عـلـى مــدة يميـنـه جـزيــا
وبـنـدر شجـيـع ولاطــمٍ كــل عـيــال=حــي البـيـوت وحـــي راع القـضـيـا
والشعر له هاجس ولـه خيـر منـزال=وعــلا مقـامـه فـــوق نـجــم الـثـريا
الشاعر / ذياب منير العصيمي
آخر تعديل ذياب منير العصيمي يوم 30-Aug-2009 في 03:57 AM.
« آخـــر الـــمـــشـــاركــــات »
30-Aug-2009, 03:49 AM
مجاراة على قصيدة الشاعر بندر بن محيا
العرض المتطور
