السلام عليكم ..



زمن عجيب ..

الشعراء ..



من المفروض ان يكونون واجهة المجتمع ..

لاكن في هالزمن ..


لا حثالة المجمتع ..



فضايح .. استراحات .. بلوتوثات .. تقضيم ..!



للشعر رسالة .. والشاعر .. صاحب هذه الرسالة ..


كثرت المشاكل .. فأصبح الشاعر (( معروف من وجهه ))


سيمآهم في وجوههم ..


بداية المسلسل ..


بـ استراحة الروضة ..


الي فضحية شرطي المرور .. والتسحيب به .. الله يعآفينا قال ايش قال .. شوفيني عالساحة عندي محاورة في سوق عكاظ ..


والاخير ليته سبع .. ورع يقلد عليه ..



الى .. شاعر الدبكات .. واثر الابيض عليه ..






ياعسى ينتهى المسلسل على خير ..



ارجو ان لا يكون مسلسل مكسيكي .. ثم ايطول الطابور ..




العجيب ..


لا يستحون .. قدم عينك .. شين وقوي عين ..



عسى ربك يسهلها ...





كتب على عجالة .. وغضب مما شفت وسمعت وقرأت ..


الموضوع .. موجه لأصحابه ..



ولا الصاحي في كل مكان والمجنون مثله ..



ربي سامحني ..


وعاقبهم ..



..



سأتي لأشكر من سيرد هنا .. فقط ..

إضافة رد

ارجو نقل الموضوع .. لقسم المحاورات المنقولة ..




..

إضافة رد

[align=center]العجيب والمصيبه شفته البارح

شاعر كبير ولابس ثوب ابيض وحاط سحاب امامي (الموضه الجديده )


الله يستر لا يجي لابس طيحني بكره [/align]

إضافة رد

هلا يابو فايح ..


ليتها على هاذي وبس ..


الامور .. اخلاقية ..!

إضافة رد

وعليكم السلام ورحمة الله وبركاته


الله لا يهينك ياوافي على الطرح الوافي


المشكله من الناس اللي يقدمون العزيمه لحثالة الشعراء

لان الشعراء فيهم الصالح وفيهم الطالح والطيب والردي


ولكن اصحاب الحفلات ليش يقدمون دعوه لشعراء عليهم علامات استفهام ؟؟


صاحب الحفله اللي يدعو شخص غير محترم كانه يشجعه على فعله ..!!


انسان ماخاف ربه والا احترم نفسه هل بيكون فيه خير او في حضوره خير ...!!


هل اللي اخلاقه منحله يقدم في مجالس الرجال ...!!!


لكن الله يصلح الحال ويهدينا الى مايحب ويرضى من القول والعمل

وبالتوفيق للجميع

إضافة رد

عاد ..


يبى يسير حفلته .. كيفما شاء ..



لاكن فـ يمن لا يسير عمره .. ولا اخلاقه ..


لا هنت ع ـالتواجد ..

إضافة رد

واللة موضوعك يستحق الاشادة

الحين لو يجي سكير محد يقلطة فالديوان لانة وقح

ولاصار شاعر كلن يقلطة البلا فالناس ماهو بالشعار

وكل شعار المحاورة عليهم علامات استفهام

والاسباب كالاتي

1ـ يجي بقروش مثل المغني

2ـ تلقا سكير او راعي حبوب او قليل حيا او من حثالة المجتمع يقولون مالا يفعلون

او راعي عربدة ويا البنات يبيع ضميرة عشان القروش وممكن يسمح للشاعر الخصم انة يشتم قبيلتة ويسكت اذا كان مصلحتة فيها

ويتذابحون فالمحاورة وعقبة ب يركبون في سيارة وحدة وحنا انتذابح بينا وهم مادروا عنا

واللة ياشعار المنتديات انهم اطيب منهم علي الاقل مايلعبون بقروش يلعبون من باب الهواية

مثل الاسطور 00علي فلاح 00سعود العصيمي 000حاكم00 العمدة00واسماء كثيرة لايسعنا المجال لذكرها

والمشكلة يدخلون من اوسع باب شعار الميدان واهل الدين والطاعة مالهم قدر

ياللة عساهم مايكثرون

إضافة رد

صاحب الحفلة لك علاه ..


بس عاد وش تقول الي يدعى لـ مهرجانات .. رسمية ..!


والي طيب شعر وطيب ساس ..


محد يمه ..

إضافة رد

[align=center]
يا وافي مع احترامي متى كان الشعراء واجهة مجتمع ؟!!!

الشعراء من الجاهلية هو اهل الغواية والمجون من امروء القيس إلى نزار

ويكفي شهادة رب العالمين فيهم في قوله:
(وَالشُّعَرَاء يَتَّبِعُهُمُ الْغَاوُونَ ألَمْ تَرَ أَنَّهُمْ فِي كُلِّ وَادٍ يَهِيمُونَ وَأَنَّهُمْ يَقُولُونَ مَا لَا يَفْعَلُونَ)


فارجوكم لا ترفعونهم فوق قدرهم وتزيدوا من جراءتهم

ومن عجائب هذا الزمان ان من يتعب ويدرس ويعمل لا يكرم

ومن يخرج على الدينا ولديه موهبة صف الكلام وتكثيرة يرفع على الرؤوس[/align]

إضافة رد

ردك عالعين .. والراس ..



الشعر .. علم العرب .. وديوانها


لولا.. اهميته .. ما وصل لـ هذا المستوى ..

لاكن شوهوه ..!




حسان بن ثابت .. شاعر الرسول (( صلى الله عليه وسلم ))


سيف ع ـالكفار .. بلسانه ..



سعدت بمروك ..

إضافة رد