من يحط الجيب للجمس فالدنيا زميل % مار قالوا gx ولا شاص ولا vxr

[محمد العتيبي]

بسم الله الرحمن الرحيم


حصريا لــــ الهيلا *** منتدى قبيلة عتيبة

قصيده مختارة من أروع القصائد في الجمس G M C










للشاعر الكبير والعلم / سهل بن نايف الكسر المرشدي العتيبي

راكب اللي يوم يزجر وصوته له عويل =صوت ندراً خيلت بالمطر بأول نهار
لا اونس البنزين بالمشي سوّى المستحيل = وصلو شكمانه من النار يقدح له شرار
من وكالة جمس شد الجميح آخر موديل = ابيضٍ لونه كما لون غرنوق البحار
كن وجهه لا نطحته مثل وجه الاصيل = الحصان الاصفر اللي نجب روس المهار
وان قفيته تذكر الله وتذكر بتهليل = وان سنحته يلفت العين شواق النظار
كن لمباته على تندته تشعي شعيل = يوم ولع نورها من صفار ليا حمار
داخليه كله ادهم وطبلونه جميل = وترس قيره بالتماتيك وابوابه زرار
والمراتب فوقها جاعدٍ شكله قليل = وفوق راس القير برقع صواريم الحرار
والمكينه زيتها ما يغيّر بالموبيل = والاديتر خمس رصات ما جاء ماه حار
مايرهم فيه ترهيم من شد الوكيل = نيكل الصندوق مبروم واعصيّه كبار
ولا وقف عند الورش من عميل في عميل = ولا ركب فوقه سرابيت ولا عريب دار
مركب الربع النشاما منزحة القبيل = الرجال اللي تعز الرجال اهل الوقار
منوة اللي حده البعد عن شوف الخليل = منتولّه ديرتن دونها يزمي ديار
لا مزعته وانت عجلان والمسرا طويل = ينتهض مثل النداوي ليا انوى بالطيار
واليا عطاله حزمٍ اجرد يميل ويستميل = مشي غيدا ضايمن ساقها تقل الفقار
تلتفت يم العشاشيق وتقض الجديل = ولا تعشق من الرياجيل الا كود الخيار
المصفّح يبرد الكبد ويزيل الغليل = لا عطاله مع حزومٍ مسايلها قرار
وان عطاله من شعيب على قشعه نثيل = كن مشيه لا عطى الدعب مشيه فوق قار
وان نتلته من وقوفه يشيل الصم شيل = مضرب المخباط لا ثار والديره عفار
وان عطاله مع نفودٍ خببها ما تسيل = ما يجنب عن صعافيق مزموم الزبار
من صناعة قوم ريقٍ هل العقل المهيل = كيفهم بالبير هم الولد ولا السكار
من يحط الجيب للجمس فالدنيا زميل = مار قالوا جكس ولا شاص ولا فكسار
الجويب مويترن زين وفالرمله حليل = مار عنه الجمس مثل الحصان عن الحمار

آمل أن تحوز على ذائقتكم

التوقيع

للتواصل عبر twitter تويتر al_bargawy@

[@ـايل]

المشاركة الأصلية كتبت بواسطة محمد العتيبي

بسم الله الرحمن الرحيم

من يحط الجيب للجمس فالدنيا زميل = مار قالوا جكس ولا شاص ولا فكسار
الجويب مويترن زين وفالرمله حليل = مار عنه الجمس مثل الحصان عن الحمار

الله الله ..

صح لسانه واعتلى شانه الشاعر سهل المرشدي ..

قصيده من اروع قصايد الوصف ..

لاهنت يامحمد على النقل الموفق ..وعافاك الله ..

........

التوقيع

تويتر : AlHooL@

[ابو محمد الدعجاني]

الجويب مويترن زين وفالرمله حليل
مار عنه الجمس مثل الحصان عن الحمار

ياحي الجكس بس

صح السانه

مشكور يامحمد على الذائقه الجميله

[محمد العتيبي]

المشاركة الأصلية كتبت بواسطة ابن غزاي الخظري

الجويب مويترن زين وفالرمله حليل
مار عنه الجمس مثل الحصان عن الحمار

ياحي الجكس بس

صح السانه

مشكور يامحمد على الذائقه الجميله

لولا اختلاف الاذواق لبارت السلع

ابن غزاي الخظري

اشكرك على المشاركه الرائعه ..

تحيتي لك
...

[محمد العتيبي]

الغالي / هايل العتيبي

اشكرك على مرورك الرائع والمشاركة الرائعه

تحيتي لك
...

[أبونواف]

الجويب مويترن زين وفالرمله حليل
======مار عنه الجمس مثل الحصان عن الحمار

صح لسانه شاعرها وسلمت يمين ناقلها ولك التحيه ..

[محمد العتيبي]

المشاركة الأصلية كتبت بواسطة أبونواف

الجويب مويترن زين وفالرمله حليل
======مار عنه الجمس مثل الحصان عن الحمار

صح لسانه شاعرها وسلمت يمين ناقلها ولك التحيه ..

وانت سالم وغانم يابونواف ..

اشكرك على المشاركه والتواصل المميز يالغالي ..

تحيتي لك
...

[سلطان نايف العضياني]

لله درك يامحمد


القصيده هذي مسرّيه


والفرق واضح بين الجمس والجيب


على قول الزلامي:

أنا أشره على اللي يشتري الجمس ويبيعه=ياكود إن حده حال من بعض الأحوالي

وانا ويش أبي بالجمس لولا مراميعه=ليا من هواجيس العشاء ضيقت بالي

تنحرت به جوٍٍٍِِِ تطارت جرابيعه=رفيق الرفيق إليا عطا العثعث الخالي

[محمد العتيبي]

المشاركة الأصلية كتبت بواسطة سلطان نايف العضياني

لله درك يامحمد


القصيده هذي مسرّيه


والفرق واضح بين الجمس والجيب


على قول الزلامي:

أنا أشره على اللي يشتري الجمس ويبيعه=ياكود إن حده حال من بعض الأحوالي

وانا ويش أبي بالجمس لولا مراميعه=ليا من هواجيس العشاء ضيقت بالي

تنحرت به جوٍٍٍِِِ تطارت جرابيعه=رفيق الرفيق إليا عطا العثعث الخالي

الله الله

صح لسان ابو جميل ..

وشكرا لك يابو نايف على المشاركة الرائعه ..

تحيتي لك
...

[( حرب حرابة الدول )]

صح لسانه شاعر مبدع والقصيده رائعه جدا .اعطى الجمس حقه وزود .