يامعجب .........!

[عبد الرحمن الفرهود]

سلام للحضّارماهز الهواء غصن رطيب = رديّةِ ماكل حزّه للعرب نبديبها
يامعجب الليله نبيها بينناسرح وعزيب = والطيّبه تحريبهايالله عساي احريبها

[معجب العتيبي]

المعذره يابارود مادخلت البيت الا هالحين

الليل الليل:

يامرحبا ترحيبةٍ فيها من الحكمه نصيب=ترحيبةٍ واللي سمعها حبها من طيبها
الليل يابارود هات العلم والمسرا يطيب=هات العلوم اللي على بالك نبا نسريبها

[عبد الرحمن الفرهود]

ياشوكة الميزان ماحدٍقال بك شكٍ وريب = والله حسيب اموقّض الفتنه ومن يسعيبها
كلٍ وله وجهة نظر مثل السهم تخطي تصيب = لكن صفوفك يالامام ابذمتك ترتيبها

[معجب العتيبي]

لاشك فيما قلت يابارود والموقف صعيب=ياباحث الفتنه عسى بقعا تجيك بغيبها
ترا اختلاف الراي مايَفْرق حبيبٍ عن حبيب=واعيب ناسٍ تتهم راع الوفا واعيبها

[عبد الرحمن الفرهود]

انت الامام المؤتمن ولجامع الديره خطيب = تفتح لغيري عينك اليمنى ولي تغظيبها
وعينك تراقب كل مايحصل ومن فوقك رقيب = واشيب عيني من هواجيسٍ قنب لي ذيبها

[مقهوي]

الله الله

بارود & معجب العتيبي

قاف في قمة الروعه صحت اللسنتكم

[عبد الرحمن الفرهود]

الروعه والنوماس مرورك يالمقهوي .......وصح بدنك

[معجب العتيبي]

ماشوف غير اللي من الله بيّن وماهوب عيب= لاتسري الافكار في قلبك ولاتغديبها
امشي على وضح النقا دايم ولي رايٍ صويب=واشيب عينك لاظلمت المقتدي واشيبها

[عبد الرحمن الفرهود]

ان كان فوز الخيل با لميدان في كثر الهذيب = الله يعينك يايدين بالعلم توميبها
النفس تطمح للعلا والظن فيكم مايخيب = واللي يوديها يابوسلطان معك ايجيبها

آخر تعديل عبد الرحمن الفرهود يوم 31-May-2009 في 10:35 PM.

[معجب العتيبي]

شكرا لمرورك يالمقهوي


وصح بدنك