سلام للحضّارماهز الهواء غصن رطيب = رديّةِ ماكل حزّه للعرب نبديبها
يامعجب الليله نبيها بينناسرح وعزيب = والطيّبه تحريبهايالله عساي احريبها

يامرحبا ترحيبةٍ فيها من الحكمه نصيب=ترحيبةٍ واللي سمعها حبها من طيبها
الليل يابارود هات العلم والمسرا يطيب=هات العلوم اللي على بالك نبا نسريبها

ياشوكة الميزان ماحدٍقال بك شكٍ وريب = والله حسيب اموقّض الفتنه ومن يسعيبها
كلٍ وله وجهة نظر مثل السهم تخطي تصيب = لكن صفوفك يالامام ابذمتك ترتيبها

لاشك فيما قلت يابارود والموقف صعيب=ياباحث الفتنه عسى بقعا تجيك بغيبها
ترا اختلاف الراي مايَفْرق حبيبٍ عن حبيب=واعيب ناسٍ تتهم راع الوفا واعيبها

انت الامام المؤتمن ولجامع الديره خطيب = تفتح لغيري عينك اليمنى ولي تغظيبها
وعينك تراقب كل مايحصل ومن فوقك رقيب = واشيب عيني من هواجيسٍ قنب لي ذيبها

ماشوف غير اللي من الله بيّن وماهوب عيب= لاتسري الافكار في قلبك ولاتغديبها
امشي على وضح النقا دايم ولي رايٍ صويب=واشيب عينك لاظلمت المقتدي واشيبها

ان كان فوز الخيل با لميدان في كثر الهذيب = الله يعينك يايدين بالعلم توميبها
النفس تطمح للعلا والظن فيكم مايخيب = واللي يوديها يابوسلطان معك ايجيبها