علي فلاح سري الليل سري الليل

[نايف بن ملحق الثعلي]

سلام الله علي اهل المنتدي والشعر والشعار=نبا الشعر الحقيقي والرجال الي يعرفونه
ولا يابن فلاح انته سوات الثعلب المكار=سواه الثعلب المكار في شكله وفي لونه

التوقيع

ما هوب لازم توقيع00

[ريف المسايير]

ههههههههههههههههههههههه

الله الله يابن ملحق

وفي شكله وفي لونه بعد

[علي فلاح العضياني]

هلا يا مرحبا و الشعر له قيمه و له مقدار= و تبشر بالقصيد اللي يهيض البال مضمونه
تقوله و انت تحفر تحت ساس البيت مثل الفار=لكنّ البيت ساسه ثابت و معتزّه ركونه

التوقيع

(( رأس الحكمه مخافة الله ))

[ابن صنهوت]

عاد هالحين كلكم ثعاليه مانبي نمسك الصف


صحت السنتكم يالاد ثعلي

[محمد شبيب السبيعي]

صح لسانك يابو ملحق ،،،،



والله أكبر عليك يابو فلاح رد وافي وبيض الله ووووووجهك

[نايف بن ملحق الثعلي]

ولا ياراعي المشوار وش حصلت فالمشوار=ترا جرتك لو جاها المطر ماهيب مدفونه
لو انك تعتذر حنا ترانا نقبل المعذار=لكن المشكلة ياصاحبي نيتك ملعونه

[علي فلاح العضياني]

مرحبابك يا ابن صنهوت اجل انت ما نت ثلي وش انت أجل ؟

[ابن صنهوت]

وانكان ثعلي تبيني اقوم معك ع نايف؟

[علي فلاح العضياني]

أنا دربي مع الدرب اليمين و لا جنحت يسار=و نايف يوم راح يسار حظّه قلّع سنونه
انا أبنشدك يا شيح العرب يوم أعتذر وش صار ؟ =انا وافي و من يافي معي و الله ما أخونه

[نايف بن ملحق الثعلي]

تقوله والحقيقه واضحه يالشاعر البيطار=تري يمناك ماتنضف لو تغسّل بصابونه
تري حنا بني عمك وفي وقت اللزوم خيار=وبعض الناس لو تضحك تري ماهيب مامونه

آخر تعديل نايف بن ملحق الثعلي يوم 21-May-2009 في 11:56 PM.