سلام الله علي اهل المنتدي والشعر والشعار=نبا الشعر الحقيقي والرجال الي يعرفونه
ولا يابن فلاح انته سوات الثعلب المكار=سواه الثعلب المكار في شكله وفي لونه

هلا يا مرحبا و الشعر له قيمه و له مقدار= و تبشر بالقصيد اللي يهيض البال مضمونه
تقوله و انت تحفر تحت ساس البيت مثل الفار=لكنّ البيت ساسه ثابت و معتزّه ركونه

ولا ياراعي المشوار وش حصلت فالمشوار=ترا جرتك لو جاها المطر ماهيب مدفونه
لو انك تعتذر حنا ترانا نقبل المعذار=لكن المشكلة ياصاحبي نيتك ملعونه

أنا دربي مع الدرب اليمين و لا جنحت يسار=و نايف يوم راح يسار حظّه قلّع سنونه
انا أبنشدك يا شيح العرب يوم أعتذر وش صار ؟ =انا وافي و من يافي معي و الله ما أخونه

تقوله والحقيقه واضحه يالشاعر البيطار=تري يمناك ماتنضف لو تغسّل بصابونه
تري حنا بني عمك وفي وقت اللزوم خيار=وبعض الناس لو تضحك تري ماهيب مامونه