البخـل طبـع مستحيـل عـلاجـة=والجود طب لكل الأمـراض وعـلاج
جيت الصديق اللي بشـوشا حجاجـة=اللي بحـزات الرخـاء مثـل هـداج
قال العلـوم وقلـت طـلاب حاجـة=حاجة يسر ماهي تكاليـف واحـراج
ان كلفـت يكفـي العـذر والمواجـه=وان كان جت من يسر صاحبك محتاج
واومى براسه مثـل راس الدجاجـة=وهز المتون وراح وجهه كما الصاج
واقفيت من عنـده مطفـي سراجـه=ولي حاجة ماعطيتهـا كـل هـراج
عرض العلوم لغيـر اهلهـا سماجـة=والصاحب الطيب له الـدرب ينعـاج
وكم ضيقة ياتـي بعدهـا انفراجـة=ياليت كـل اصحابنـا مثـل سهـاج
الصاحـب اللـي مايعكـر مـزاجـة=ولا حطلـه كثـر المعاذيـر منهـاج
ولا الردي صيـده يضيـع بعجاجـة=ماتسبقه في سرعة الـروغ ميراج
« آخـــر الـــمـــشـــاركــــات »
02-Apr-2009, 04:26 PM
رشيد الزلامي** البخـل طبـع مستحيـل عـلاجـة
العرض المتطور
