القعود والهرش الهبود ..!1

[عايض بن زوير]

بعد السلام عليكم ..



,,





,

النار تشعم والحطب يا سعود في صدري يزود=وأما فزعت بمطلبي ولا تراني بشعمه
هات القلم وأكتب على بيض الصحايف ما يرود=افـ .... خاطري والطايله للي كتبها بقلمه
صاحبك لامنه زهم فكره ولا ساق الحشود=في ذمتي من عقبها مهما جرى مايزهمه
العلم ما هو سالفة يمكن يفود ولايفود=ماني من اللي بندقه لجل الهزيله يفحمه
العلم غزه عانها من سبة أفعال اليهود=تصبح على غصن سلمه تمسي على غصن سلمه
فيها الشوارع مقبره حفارها شلة ايهود=ولا النصايب كلبوها عظمتين وجمجمه
لا والله ألا روّحت غزه عسانا للحود=إن ما وقفنا دونها لين المعادي نلطمه
والمشكله لو إنها وقفت على هبد القعود=شكره على دنة حطب فأول تقاطع تصدمه ..!!
مار البلى كان اعتزى في عمه الهرش الهبود=اللي ثلاث من القيود المحكمه ماتلزمه
يطمنه ويسمنه لينه على السيد يسود=ويعلمه عقب العرج آخر فنون الدرهمه
شلقة همل جمالها بين التمني والوعود=رايح على فمه شحمه جاين على فمه شحمه
مار الله أكبر والزمن لابد إله يومٍ يعود=ويمغّط اللي غرته سود الليالي برطمه
ونلقى الجمل باللي حمل .! فرقبته الحبل معقود=عمه يسوقه وإن بغا يطلق قياده ياسمه
جملة حقايق ثابته واللي بقا بيتٍ سدود=مثل الحجر لا من فتح فمه المعادي يقضمه
إما لحقنا باليهود أهل الخنا عاد وثمود=" عيب علينا قولنا إنا لأمة مسلمه "

[بدر الكريزي]

عايض المقااطي .،



صح لساانك يا ابو زوير .،


و الله ينصر غزة و أهلها .،


..

التوقيع

قرأت فيما قرأته من بلوغ المرام ., اللي ترك شيء لله ( عاضه الله بخير ) ., ., استغفر الله العظيم , و أتوب إليه ‘.

[ترركي]

اخوي عايض الله يمسيك بالخير



طبعاً واضح الخبرة في حبكـ القصيدة
فيه عبارات كثيرة اعجبتني
لكن فيه عبارات لامعة في سما القصيدة منها:


- صاحبك لامنه زهـم فكـره ولا سـاق الحشـود
في ذمتي من عقبهـا مهمـا جـرى مايزهمـه

وبعد:
- ماني من اللـي بندقـه لجـل الهزيلـه يفحمـه


وبعد:
- تصبح على غصن سلمه تمسي على غصن سلمه


- فيها الشـوارع مقبـره حفارهـا شلـة ايهـود


- رايح على فمه شحمه جاين على فمـه شحمـه


- مثل الحجر لا من فتح فمـه المعـادي يقضمـه (هذا اجمل بيت)


قصيدة جميلة


صح لسانك يالغالي

[رايد الهديبي]

يا هلا والله يا ابو زوير


قصيده جزله من واحد جزل


وصح لسانك ياذيبان

لا والله ألا روّحـت غـزه عسـانـا للـحـود = إن مـا وقفنـا دونهـا ليـن المعـادي نلطمـه
والمشكله لو إنهـا وقفـت علـى هبـد القعـود = شكره على دنة حطب فأول تقاطع تصدمـه

[سلطانــــ العــ$ــضياااني]

صح لسانك
يابو زوير

[عايض بن زوير]

صح بدنك يا بدر والله لا يهينك ..

[السامي الجعيد]

	عايض بن زوير المقاطي من مكاسبنا بالمنتدى بلا شك جزاله وابداع وحكمه وقوة وبعد نظر وانا اصلآ من اشد المعجبين من اول قصيده سمعتها لك الى الامام وارق سنود ولاتحرمنا جديد ابداعك يابن زوير لا والله ألا روّحـت غـزه عسـانـا للـحود=إن مـا وقفنـا دونهـا ليـن المعـادي نلطمـه

[ماجد حمود العصيمي]

ياسلاااااااااااااااااام ياسلام

صح كلك و
صح السانك

في غاية الروعه ماقرأت

اعجابي