عندك فلوس زايدة تبا تصوتبها عطنيها احطها في ذبيحة للثلاجة

[عكاش]

الله يمسيكم بالخير

تسيف حالكم وش لونكم ووش لون وراعاتكم والبديدة كلها عساكم طيبين

تطويل العلوم مالها لزوم

انتم خابرين شاعر المليون وغيره الي وراه ظهر يدفع دراهم هو الفايز
والسنتين الي راحت شركة كيوتل القطرية ماتقصر ترش شاطئ الراحة ولا المفتاحة بالرسايل رش للمتسابقين الي من دولتها

وشركة اتصالاتنا طيبها علانا مره فاصلين الجوال ومرة مرجعينه ومره فاصلين النت ومرة بطي وبرابسها واجد وحنا نصوت والفايدة للنشوى الرويني والاتصالات السعودية واخرتها يطلع بها قطري راشته شركة كيوتل بالرسايل رش


هالحين كلها والسفاير فالكم ان كان في شركة الاتصالات السعودية طيب وخير تحط راسها براس شركة كيوتل القطرية وترش المتسابقين السعوديين بالرسايل وخلونا نشوف من اطيب من الثاني كيوتل القطرية ولا الاتصالات السعودية

عنما حنا يالمواطنين وش دخلنا في السالفة مرة الاسهم داقتنا ومرة التصويت داقنا ومرة اسعار المواد الغذائية داقتنا

كلها على رويساتنا يالمواطنين وحنا كل واحد ماسكن جواله يصوت علشان يفوز شاعر يترزز عند روضة وطقة روضة وهو والله مادر عن الي صوت


زبدة الكلام التصويت في هالمسابقات من تخصص الاتصالات السعودية مثل ماهوب من تخصص شركة كيوتل القطرية حنا يالي على باب الله برا الموضوع كله


والي يشوف نفسه عنده فلوس زايدة ويبا يصوت لشاعر ماجاب خبره ولاهوب قايل حتى جزاك الله خير يعطيني قيمة الدراهم الي يبا يصوتبها بحطه في ذبيحة للثلاجة واقوله جزاك الله خير وفوقها حبة على خشمه

آخر تعديل عكاش يوم 21-Dec-2008 في 05:34 PM.

[حصادالغربه]

كان في شركة الاتصالات السعودية طيب وخير
تحط راسها براس شركة كيوتل القطرية
وترش المتسابقين السعوديين بالرسايل
وخلونا نشوف من اطيب من الثاني
كيوتل القطرية ولا الاتصالات السعودية
........................................
ياطيب خشمك ياعكاش..
والله كلام الحقيقه وتدري بعدرايح يصيرالتصويت
عام لجميع شعراء السعوديه وننهي العنصريه
المطلوب منك يابو العكاكيش
ارسال برقيه عاجله للاتصالات السعوديه ..
وتزود المسئولين المعنين بصوره من هذه البرقيه
واكيد سوف نحتكراللقب...لسنوات..!
مااكثرنا حنا وخدمنا وعمالناعلاهم علاهم..
سوف نغرق شاطي المليون بالرسايل

[المرواني1]

بكل تلقائيه وباسلوب رائع قلت الحقيقه اخونا عكاش
واعتقد انها وصلت للمتابع ... ولكن هل تلقى الصدى !!
حقيقه اشك في ذلك ..


حفظك الله

[نزهان الروقي]

هههههههههههههههههه



بيض اللله وجهك

[ابن مشيب]

تستاهل ياعكاش ذبيحة لك على الصحن بوجود رجال شرواك

صراحة نقطة منطقية اعجبتني في مقالك وهي:

المشاركة الأصلية كتبت بواسطة عكاش

التصويت في هالمسابقات من تخصص الاتصالات السعودية مثل ماهوب من تخصص شركة كيوتل القطرية حنا يالي على باب الله برا الموضوع كله

فعلاً الخصم في المسابقات السابقة , ليس جمهور الشاعر , بل شركة اتصالات في دولة قطر كما نسمع والله اعلم , ولان يقف في وجهها ويرشح باقي الشعراء للنهائي غير شركة اتصالات آخرى , اما المواطنين كثير منهم اصبح لديه وعي بهدف هذه المسابقات والحمدلله.


تحياتي

[سمران]

اتمنى من ابناء قبيلتنا ولو مره وحده لايصوتون يخلون شعرائنا ياخذون 600000 درهم بواقع 200000 لكل شاعر فالح زنايف وسعود بدون نعطي هيئة ابوظبي للتراث ولهف المساكين

[الرومي]

لو جمعت جميع المبالغ التي صوت بها ابنا القبيلة لتجاوزة 10 مليون ريال..
رقم لايستهان فيةوالنتيجة حرقة اعصاب وخروج شعار القبيلة في المسابقة بكل سهولة.. هناك من ايتام وارامل القبيلة منهم احق من شركة الاتصالات السعودية..لكن اين العقول التي تفكر.

التوقيع

migeed33@hotmail.com

[من عيني]

المشاركة الأصلية كتبت بواسطة الرومي

لو جمعت جميع المبالغ التي صوت بها ابنا القبيلة لتجاوزة 10 مليون ريال..
رقم لايستهان فيةوالنتيجة حرقة اعصاب وخروج شعار القبيلة في المسابقة بكل سهولة.. هناك من ايتام وارامل القبيلة منهم احق من شركة الاتصالات السعودية..لكن اين العقول التي تفكر.

انشهد يالرومي كلامك في محله وياليت
كل ابناء الهيلا يصوتون لمن هو احــــق
من ارامل وايتام وفقراء ومعسريــــــن
لا يجدون قوت يومهم والهيلا مذكوررره
من خلقة الدنيا ببيرق العز والعلم الغانم


ولكن اين العقول التي تفكر (جماجم مجوفه) حشاك
تحياتي

[عتيبي للابد]

بالتاكيد لا لا لا و الف لا للتصويت فهو نفخ في جيوب اصحاب البرنامج و لا نستفيد اي شي

اللي عنده فلوس زايده يهديها على عكاش او يتصدق بها على احد المسلمين الفقارى او يخرج بها سجينا او يتيما من ايتام المسلمين و له الاجر و الثواب


اما تصويت و خبال ماله داعي خلاص انكشفوا و راحت عليهم برنامج شاحذ المليون برنامج القمار و السربته

[الشــاهد]

عكاش هذا الكلام وبس


بلا تصويت بلا هم 0000ومشكور على الموضوع الاكثر من رائع