قصيده بندر بن سرور (ذهبيه) - الهيـــــــــــــلا *** منتدى قبيلة عتيبة

فدا لعتيبه · 11-Oct-2008, 12:07 AM

الله من عين طرقها صواديف 0000 عميت ويبسن العروق الصخافي

شفت الوزابالعين من عرض ماشيف0000 شفته وغيري من فطن له وشافي

وقت تغير فيه حتى العواصيف 0000 جافي عواصيف الرياح اختلافي

شره قناطير وخيره مقاطيف 0000 يفطن له اللي يرضع الديدغافي

كم واحد جاله زمانه على الكيف 0000 واغترته نفسه يبا الجود وافي

يطلع مطاليع العيا بالسواليف0000 بين العذارا عد روحه اسنافي

يفرح بهرج بالقفا ويكره الضيف 0000 قتات والقتات بالنار هافي

يعلق قصيره علقة النار بالليف0000 عي ولد عي زنوده اضعافي

ان رخصت الحذوه توقي عن الحيف 000 وان غليت الحذوه مشى اللاش حافي

يرقد ويلحق والدينه تخاليف 0000 دايم ومرقد ميت النار دافي

هومادرى ان الجود يبغى تكاليف000 سهر الليالي مقبلات مقافي

يبغى ايدين للعطايا مغاريف 0000 ويبغى ارجول ماتمل الوقافي

والصبر بنحور السنين الشواحيف000 اللي قساهن مثل حد الرهافي

مايقدرون الجود سود الاطاريف0000 امشاركة بيض النساء باللحافي

يقدر عليها اللي حكم نجد بالسيف 000 واودع قبايل والقبايل اولافي

عبدالعزيز اللي يبث المصاريف0000 يجدع قناطير الذهب بالفيافي

يمشي على دربه جموع مزاريف 0000 نوٍ تنثر ماه والجو صافي

تشدي لواقيط الزبيدي بعدريف 0000 مما كسا البيدا تفيد الضعافي

..

عبد الله@العتيبي@@ · 11-Oct-2008, 12:55 AM

اشكرك على نقل ولا هنت يا فدا عتيبه

فواز علي الروقي · 11-Oct-2008, 09:04 AM

صح لساااااااااااااااااااااانك لاهنت
لك تحياتي

فدا لعتيبه · 11-Oct-2008, 11:44 PM

عبدالله
مشكور على المرور

دمـــــــــــــــــت بخـــــــــــــــــــر

إستراحة محارب · 11-Oct-2008, 11:55 PM

أشكرك جزيل الشكر يا بناخي على التوثيق

@ـايل · 12-Oct-2008, 12:13 AM

رحم الله متنبي عتيبه رحمه واسعه...

وصح لسانه ..على الابيات والقصيد ...الذي سطره لنا جيل بعد جيل ...

وتوارثته الاجيال ...

لاهنت اخوي فدا لعتيبه ...وعافاك الله على النقل..ولاتحرمنا مواضيعك الطيبه ....

التوقيع

تويتر : AlHooL@