المعتصم بالله مسيت بالخير

[أبو وافي العتيبي]

المعتصم بالله مسيت بالخير =أزهم بيوت الشعر وأيا التعبير
عندي خبر ياخوك يحتاج تفسير =قال المثل مافيه شيء على الكيف

سلام ياهل الطيب والعلم الرشيد = ياعزوة العتبان والساري سرى
يالمعتصم بالله ترى ماأنت الوحيد = لا تقفل البيبان والساري سرى

آخر تعديل أبو وافي العتيبي يوم 05-Jul-2008 في 09:21 PM.

[مشاري الشلاحي]

الله الله الله
الله الله
الله

على هالمبداء الكايف

صح لسانك وبيض الله وجهك على الطاروق

وحنا متابعين

أخوك

مشاري الشلاحي

[أبو وافي العتيبي]

مشاري الشلاحي
صح بدنك ولاهنت

شرفني مرورك

تحياتي

[المعتصم بالله]

يا مرحبا باللي يسلم يا هلا=يزهم وانا وياه في سوق الغلا
هات الخبر تلقى جواب المسألا=قال المثل ما فيه شي على الكيف

يا مرحبا بك بالنيابه والاكيد=انّا من العربان والساري سرى
اقلط يابو وافي وعجل بالجديد=يالصاحب الطربان والساري سرى

[سلطان شلاح الغنامي]

صحت الالسن


واصلووو


متابعين

[أبو وافي العتيبي]

دام البقاء والعلم مابين قوسين = مضت عليه أيام وسنين وسنين
مدري بلاه القلب ولا من العين = قال المثل مافيه شيء على الكيف

كتبت لي شيكٍ وأنا عندي رصيد = وإسمي مع الشجعان والساري سرى
مار الرسـالة واصلة عبر البريد = ياشاعر الفهمان والساري سرى

[أبو وافي العتيبي]

سلطان شلاح الغنامي

صح بدنك ولاهنت على المرور


تحياتي

[المعتصم بالله]

خطك اشوفه بين الاقواس واقراه=وايضا يشوفونه هل العلم والجاه
والصبر زين وقيس معجب بليلاه=قال المثل ما فيه شي على الكيف

خلك مع رجال الغناة وتستفيد=وجنب عن التعبان والساري سرى
مبداك طيب وانتبه عنه تحيد=لا تخطي العنوان والساري سرى

[أبو وافي العتيبي]

عزلله أنك من رجال المعاريف = اللي لهم في الشعر ميزة وتصنيف
فهمتني ياذيب من دون توصيف = قال المثل مافيه شيء على الكيف

والله ثم والله وكررها وأعيد = ماقرب النقصان والساري سرى
وأسبح بوسط البحر وجيب الفريد = ولول والمرجان والساري سرى

[أبو وافي العتيبي]

مرزوق حمدان العتيبي
عبد العزيز الجذع

مشكورين على المرور لا هنتوا شرفنا تواجدكم


تقبلوا تحياتي