سـلام الله سلامٍ كمـا شلفـا تراحيــب .. نبا شاعر كبير ولا تهونون

[حمدان الديحاني المطيري]

السلام عليكم ورحمة الله وبركاته

اقرب شاعر .. وارجوا ان يكون من أعلام المنتدى

سلام يا العتبان وابغا عتيبي=
ياويل منهو فالملاقا نصيبي=
اطلق شنب لا قام في وسط جيبي=
والصبر زين وكل مطرود ملحوق=

سلام الله سلامٍ كما شلفا تراحيب = على العتبان يوم الملاقا والهجادي
ليا ثار الغبار و حما ضرب المشاعيب = تهيج الخيل والنار تقدح من زنادي

[معجب العتيبي]

ياللي تكرّون السلام وتعيدون=
الامن فالايام ماهوب مضمون=
واطلق شنب راع الفناجيل مغبون=
والصبر زين وكل مطرود ملحوق=

هلا يامرحبابك وازيد العلم ترحيب=مثل ترحيب فاجر بفنجال القيادي
ليا ثار الغبار وبدا للوضع تسريب=سرا بعض العرب واصبح الموقف حيادي

التوقيع

[حمدان الديحاني المطيري]

المشاركة الأصلية كتبت بواسطة معجب العتيبي

ياللي تكرّون السلام وتعيدون=
الامن فالايام ماهوب مضمون=
واطلق شنب راع الفناجيل مغبون=
والصبر زين وكل مطرود ملحوق=

هلا يامرحبابك وازيد العلم ترحيب=مثل ترحيب فاجر بفنجال القيادي
ليا ثار الغبار وبدا للوضع تسريب=سرا بعض العرب واصبح الموقف حيادي

وش صار يوم انك شربت الفناجيل=
كانك تعرف الفعل والحط والشيل=
الله واكبر كم راحو رياجيل=
والصبر زين وكل مطرود ملحوق=

على وضح النقا كم راحت من عراقيب = يقول الوضع عادي واثر ماهوب عادي
على العتبان بالقيض هبّي يا لواهيب = عسى العتبان تسمع ليا ناد المنادي

[خوي السعد]

ياللي سلامك مثل فعلك نحييك = عز الله انك ماتنومس مباديك
لكن حظك فالمشاكل مدهويك = الصبر زين وكل مطرود ملحوق

////

تفضل يالمطاري وحنا اهل المواجيب = بعد ماجيت وجهك مغطا بالسوادي
لكم تاريخ معروف من بين الاصاحيب = انا ماقلتها قالها رجل انحيادي

[معجب العتيبي]

صار السعد لي والهموم اعتلتكا=
خميتها واخطيتها وابتلتكا=
ياشين حظ اللي وراك ونختكا=
والصبر زين وكل مطرود ملحوق=

على وضح النقا يالمطيري مابها عيب=ليا قلت الحقيقه ولا قفّيت غادي
ليا حان الملاقا يسدون المواجيب=ولا يقفون لاسمعوا اخبار الروادي

[حمدان الديحاني المطيري]

المشاركة الأصلية كتبت بواسطة معجب العتيبي

صار السعد لي والهموم اعتلتكا=
خميتها واخطيتها وابتلتكا=
ياشين حظ اللي وراك ونختكا=
والصبر زين وكل مطرود ملحوق=

على وضح النقا يالمطيري مابها عيب=ليا قلت الحقيقه ولا قفّيت غادي
ليا حان الملاقا يسدون المواجيب=ولا يقفون لاسمعوا اخبار الروادي

كانك على ما قلت راعي حميّه=
علمن يبا ياتيك واصبر شويّه=
ربعي خذو عطفتك فالحرمليّه=
والصبر زين وكل مطرود ملحوق=

والا ياكم فارس من الشلفا مصاويب = على وقتٍ مضى فيه ضربٍ بالهنادي
ليا زليت قلت الك ما فيكم عذاريب = وعلى ظهر المطيّه تحطون الشدادي

[حمدان الديحاني المطيري]

الوعد فالليل يا معجب ولا هنت

مشغول شوي هالحين

ولاهنت

[/عبد العزيز الجذع/]

صحت السنتكم ..

والصف صف معجب ولا يهون المطيري..



تحياتي..

[معجب العتيبي]

هلا ياعبدالعزيز

صح بدنك والصف عامر بوجودك


شكرا لك وننتظر الليل حمدان مشغول

[متـعـب المهيدلي]

مثل ترحيب فاجر بفنجال القيادي





هههههههه





صح بدنك يامعجب






صــــــــــــــح الساااااااااااااانك