يالمعتصم بالله وانته شاعر ونوعك فريد !!

[سعود البرقاوي]

الليل يالمعتصم شندي شندي ...

يالمعتصم بالله وانته شاعر ونوعك فريد
تعال أبا اغني معك والليل ليلٍ سرمدي

وان كان تبغى الفايده دايم و تبغى تستفيد
اليا مشيت الدرب لاتمشي برجلك محتدي

التوقيع

انا مثل الحكومة وأمري منفذّ على الشعار ولي سلطة على الشعار والشعار خدّامي جارالله السواط للتواصل : nofi3e@hotmail.com

[علي فلاح العضياني]

الله الله


صح لسانك يا سعود



وصح لسان المعتصم بالله مقدماً




واصلوا و على القوه

التوقيع

(( رأس الحكمه مخافة الله ))

[سعود البرقاوي]

صح بدنك يابن فلاح العضياني

[المعتصم بالله]

يا سعود قلي وش تبي واعطيك كل اللي تريد=العب وانا بلعب وتو الليل توه مبتدي
يا ناصح العربان قرب واخذ لك رايٍ سديد=الطيّب يزيدك وفا والا الردي دايم ردي

[المعتصم بالله]

علي الفالح

صح بدنك ومرووورك شرف طال عمرك

[سعود البرقاوي]

اباك قلبك من حجر ويكون راسك من حديد
وتعمّر البنيان من فوق البساط الاحمدي

اللي تقوله خابره ياخوك من وقتٍ بعيد
مار البلا فاللي يحط سهيل من دون الجدي

[المعتصم بالله]

المعتصم شاعر وباسه يا ولد دايم شديد=واللي براسه زمةٍ لابد يركد ويهدي
باول سنه نجحت انا وانته ترى يمكن تعيد=لكن خلك محترم واحذر تكون المعتدي

[سعود البرقاوي]

الله يزيدك ياوسيع العرف فالعصر الجديد
والله يبارك فيك ويعافيك دايم ويهدي


حبيت اوضح لك لكن الشرح مافاد البليد
اشرح ولايفهم ولايعرف وشنهو مقصدي

[المعتصم بالله]

فتش بيوتك كلها يا سعود ثم تصبح سعيد=والمقصد اللي تقصده عطنيه واذبح لك فدي
يا سعود انا ما قلت شوفوا يا جماعه هالقريد=لكن جر الصوت عجل وارفعه ثم انشدي

[سعود البرقاوي]

غنت لك الورقا وناحت لك على غصن الجريد
واعطيتك من الخير والمعروف في راحة يدي

بعض السوالف سعرها ياصاحبي سعرٍ زهيد
اللي شراها خطر من كثر السواليف يغدي