أبــــــــــو مــــشعـــاب , بعد غيبة .

[قادح شرار]

أبو مشعاب ربي جابه الليلة بعد غيبه = أبطى علانا فترة ٍ نبا نعرف سبايبها
أشوفه يسرد ويمرد من بين ربعي اعتيبه = لكن الله يقدرني و أنوّخ كل ركايبها

[محمد العتيبي]

هههه

مرحبا والله ومسهلا ياقادح ..
...

الا ياطيب من ينشد عن اصحابه وياطيبه = وانا حاضر معا ربعي وجندي في كتايبها .
يقولون البليد اللي مشى والداب في جيبه = وانا مرتاح فالدنيا واطوّع كل مصايبها

التوقيع

للتواصل عبر twitter تويتر al_bargawy@

[فهيد الايدا المورقي]

قادح شرار صح لسانك على الطاروق


وصح لسان ابو مشعاب مقدماً


وعلاك في ابو مشعاب علشان معاد يروح من دون اذن

ههههههههههههههههههه

[قادح شرار]

المشاركة الأصلية كتبت بواسطة بناخي الايداء

قادح شرار صح لسانك على الطاروق


وصح لسان ابو مشعاب مقدماً


وعلاك في ابو مشعاب علشان معاد يروح من دون اذن

ههههههههههههههههههه

أيييييه أبشر بعزك يابناخي الأيداء . أوريك فأبو مشعاب يحسب إن العرب ما يحبونه ولا يفقدونه مير من اليوم ورايح إن شاء الله كل ليل تلقاه محظّر معنا هنيا .

[محمد العتيبي]

حيالله الايداء

مرحباااا مليووووووون

صح بدنك ..

وانت والله اللي يبالك مجازى ههه

...

[فهيد الايدا المورقي]

ابو مشعاب معليش والله مبطي مادخل الماسنجر


بس لازم يوم ادخل واحصلك مبطي عن سوالفك يالذيب

[قادح شرار]

أبو مشعاب ناوي نية ٍ بخطف مشاعيبه = ويصبح صاحبي صُبحه وناشب في نشايبها
أخذ منصب .. ترك ربعه .. وكل الناس تدريبه = وفي سد وجهي ما تروح العنز لين أنا أحلبها

[محمد العتيبي]

الله الله
الله يكفينا شركم ياهاثنين

ابو مشعاب يزريبه عدوه وانت تزريبه = ولا همه علوم الناس مخطيها وصايبها .
هذا منصب شرف واعتز بالمنصب واماريبه = ونكير الصوت مايصلح مع الناس ومناصبها .

[محمد العتيبي]

قادح شرار اساذنك انا مداوم هالحين
وجتني مهمه ..
ونكملها شوي او الليله باذن الله ..
...

[عبدالله الجـــذع]

الله لايهينكم على هالمحآوره الممتعه

متابع لكم

محبكم

,|’

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا