اقرب شاعر......كل شاعر ياعتيبه شال جمره في شليله

[المرشـ ساطي ـدي]

ياسلامي ياسلامي عد همال المخيله=للرجال اللي لهم في الطيب لفه واستداره
كل شاعر ياعتيبه شال جمره في شليله=كان لد العين فيه ناوي(ن) رفع الستاره

[قادح شرار]

بدايتك بداية جميلة يا ساطي وأستغرب محد من الشعار جاها من البارح .

بس سم بالله وأدحم بجنب متين .


يـا هلا يـا مرحبـا يا شاعـر ٍ يـومي بذيله === فـوّل المـشـوار ناوي أقـدح فراسه شــراره

يا عتيبي لا توهق نبغي الطرقة طــويــلـه === يوم بعض الناس عندي ما قدر يبني عماره

آخر تعديل قادح شرار يوم 01-May-2008 في 02:30 PM.

[المرشـ ساطي ـدي]

انا وش اللي طرحني في يدك
يالله في المخراج

حياك الله يالذيب

واستلم

البقا باللي يرحب وانسدح جوف المسيله=مادرى ان السيل يجرف حتى سكان المغاره
جابه الله ياعتيبه والله ما ادور بديله=سايق الموتر لفى ما معه رخصه واستماره

[قادح شرار]

المعذرة على التأخير كنت فالمسجد دام عزك .


راعي المسيال يمسي يا عرب في وسط سيله === جاب سيله مادرى إني واقف ٍ فوق المناره


والله إنــك مـادريت إنـك مــــضوي لك فشيـــله === وأصبــروا يالربع لين إني أوقع في قراره

[عبدالله الجـــذع]

الله اكبر

بدايه جميله من شعار جميلين

صحت السنتكم يالغالين

والصف صفك ياقادح ولايهون ساطي ..

متابع

,

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[قادح شرار]

المشاركة الأصلية كتبت بواسطة عبدالله الجـــذع

الله اكبر

بدايه جميله من شعار جميلين

صحت السنتكم يالغالين

والصف صفك ياقادح ولايهون ساطي ..

متابع

,

الله لايحرمني منك يا شيخ , الصف يزهابك يالجذع .

صح بدنك وصحت روحك طال عمرك .

متابعتك خير حافز إلي ولساطي .

[المرشـ ساطي ـدي]

المشاركة الأصلية كتبت بواسطة عبدالله الجـــذع

الله اكبر

بدايه جميله من شعار جميلين

صحت السنتكم يالغالين

والصف صفك ياقادح ولايهون ساطي ..

متابع

,

عبد اله الجذع


مرورك شرفنا


الله لا يحرمنا هالطله


وشكرا

[المرشـ ساطي ـدي]

اعذرني على التاخير يذيبان
واستلم

سيلي ليا سال ماهو مخلن احد(ن) في سبيله=المناره هدها والبيت يحفر عن جداره
والقرار اللي تقوله وقعه شيخ القبليه=محتواه المرشدي نصب على كرسي الاماره

[قادح شرار]

خلك سيلك وإنتبه قدامك اسيوف ٍ صقيله === تصرع المجنون لين انه يعوّد يم داره


والله إن الـمـوت جايـك مقبـــل ٍ ولا تجيله === يا عميلي لا تعاند مالك ومال النــقاره


المعذرة , يومنك طلعت اليوم انا طلعت بعدك وتوي دخلت هالحين .

آخر تعديل قادح شرار يوم 02-May-2008 في 02:03 AM.

[قادح شرار]

يا شين اللعب إذا كان ماهو مباشر .

على العموم صح إلسانك يا ساطي , وتشرفت باللعب معك . والجايات أكثر إن شاء الله .